«Փրկության քարտեզ» վավերագրական, խաղարկային լիամետրաժ ֆիլմը

09-12-2017 15:00   | Հայաստան  |  Մշակույթ
Դեկտեմբերի 9-ին՝ ժամը 15:00-ին, ցեղասպանության զոհերի հիշատակի միջազգային օրվան նվիրված, «Նարեկացի» արվեստի միությունը ներկայացնում է «Ման Փիքչերս» ստուդիայի՝ «Փրկության քարտեզ» վավերագրական, խաղարկային լիամետրաժ ֆիլմը:
 
Ֆիլմը, որի հիմքում միայն իրական փաստեր են, պատմում է 19-րդ դարի վերջի և 20-րդ դարի սկզբի համամարդկային ողբերգությունների ժամանակ առաջացած հումանիստական շարժման մասին: 
 
Հերոսները քսաներորդ դարի ամենամեծ հանցագործության վկաներն են`հինգ եվրոպացի միսիոներ կանայք, որոնք, հայտնվելով արյան և արցունքների երկրում, միայնակ կարողացան փրկել հազարավոր հայ երեխաների ու կանանց:
 
Իրենց անծանոթ մի խոշտանգված ժողովրդի հետ շատ դրամատիկ հանդիպումը այս մեծ հումանիստների համար ճակատագրական է եղել: 
 
Ֆիլմը վարող պատմաբանը, անցնելով ֆիլմի հերոսների առաքելության ճանապարհը, գծում է փրկության քարտեզը:
 
Նկարահանման վայրեր՝ Նորվեգիա,Շվեդիա,Դանիա, Էստոնիա, Գերմանիա, Լիբանան, Սիրիա, Հունաստան, Արևմտյան Հայաստան, Թուրքիա, Հայաստան:
 
Պրեմիերաներ՝ Հայաստան, Ավստրիա, Իրան,Կանադա, Շվեդիա, Դանիա, Ֆինլանդիա, Լիբանան, Հունաստան, Կիպրոս, Ֆրանսիա, Դուբայ («Պարամաունթ Փիքչրս»), Հոլիվուդ, ԱՄՆ, Էստոնիա, Ռուսաստան:
 
Ֆիլմի ստեղծագործական կազմ՝
 
Ֆիլմը պատմող ՝Սվանտե Լունդգրեն (Ֆինլանդիա) 
 
Սցենարի հեղինակ՝ Աննա Սարգսյան
 
Օրիգինալ երաժշտության հեղինակ՝ Վիգ Ցարտման(Ավստրիա)
 
Օպերատորներ՝ Արթուր Ղարայան,Վահե Հակոբյան
 
Ռեժիսոր՝Արամ Շահբազյան
 
Մտահղացման հեղինակ և պրոդյուսեր՝Մանվել Սարիբեկյան
 
Տևողությունը՝ 88րոպե 
 
Թույլատրելի տարիք՝ +12 
 
Լեզուն ՝Անգլերեն ՝բնօրինակ, հայերեն՝ թարգմանություն
Արտադրություն ՝2015թ. © «ՄանՓիքչերս» Ստուդիոյի (Հայաստան)
Աջակցություն՝ Հայաստանի ազգային կինոկենտրոնի
Ցուցադրությանը ներկա կլինի նաև մտահղացման հեղինակ և պրոդյուսեր Մանվել Սարիբեկյանը:
 
Մուտքն ազատ է:
Հեռ. +374 10 580105
 
 
 
Լուրեր Հայաստանից եւ Սփյուռքից