Թմրամիջոցների հիմնախնդիրը ոստիկանության ուշադրության կենտրոնում է. Գեներալ-լեյտենանտ Հունան Պողոսյան

30-11--0001 00:00:00   | Հայաստան  |  Մամլո հաղորդագրություն
Փետրվարի 11-ին ոստիկանության պետի առաջին տեղակալ, ոստիկանության գեներալ-լեյտենանտ Հունան Պողոսյանն ընդունեց Վաշինգտոնում Թմրամիջոցների դեմ պայքարի եւ իրավապահ համագործակցության բյուրոյի փոխպետքարտուղար Ջեյմս Վոլշի գլխավորած պատվիրակությանը:
 

 
Ողջունելով հյուրերին՝ Հունան Պողոսյանն ընդգծեց թմրամիջոցների անօրինական շրջանառության հակազդման բնագավառում միջազգային համագործակցության կարեւորությունը եւ փոխանցեց ոստիկանության պետի դրական գնահատականը գործնական հանդիպումների կապակցությամբ:
Ջեյմս Վոլշը շնորհակալություն հայտնելով ջերմ ընդունելության համար՝ գոհունակություն հայտնեց թրաֆիքինգի, թմրամիջոցների անօրինական շրջանառության դեմ պայքարում գործընկերության բարձր մակարդակի
առթիվ:
Հունան Պողոսյանը նշեց, որ թմրամիջոցների հիմնախնդիրը մշտապես ոստիկանության ղեկավարության ուշադրության կենտրոնում է՝ նկատի ունենալով նաեւ Հայաստանի աշխարհագրական դիրքը, եւ արվում է առավելագույնը բոլոր մարտահրավերներին դիմակայելու համար: Ինչ վերաբերում է համագործակցությանը, ապա այն հասել է մի կետի, որից պետք է անցում կատարվի որակական նոր մակարդակի:
Ջեյմս Վոլշը կարեւորեց փոխգործակցության խորացումը համատեղ աշխատանքի, փորձի փոխանակման, տարբեր ուղղություններով վերապատրաստման եւ մի շարք այլ ոլորտներում, որոնք ընդգրկում են տարբեր երկրների իրավապահների գլխավոր նպատակը՝ միավորել ուժերը հանցավորության, մասնավորապես՝ թմրամիջոցների ապօրինի շրջանառության դեմ պայքարում:
Հանդիպման ընթացքում կողմերը քննարկեցին փոխադարձ հետաքրքրություն ներկայացնող այլ հարցեր եւս:
 
Նոյյան տապան   -   Մամլո հաղորդագրություն
Լուրեր Հայաստանից եւ Սփյուռքից

Կարդացել են 761 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար