ԱԱԾ սահմանապահ զորքերի շենքում բացվել է սարքավորումով հագեցած դասասենյակ

02-03-2017 14:47:49   | Հայաստան  |  Մամլո հաղորդագրություն
2017թ. մարտի 2-ին տեղի է ունեցել  ԱԱԾ սահմանապահ զորքերի վարչական շենքում գտնվող վերակահավորված և սարքավորումներով հագեցած դասասենյակի բացման արարողությունը: Կենտրոնը կահավորվել և սաքավորումներով է հագեցվել Եվրոպական միության կողմից ֆինանսավորվող և Միգրացիոն քաղաքականության մշակման ազգային կենտրոնի (ՄՔՄՄԿ) կողմից իրականացվող «Աջակցություն Հայաստանին միգրացիայի և սահմանների կառավարման ոլորտներում» ծրագրի ֆինանսական աջակցության միջոցով:   
 


Նոր դասասենյակի կահույքը և սարքավորումները կաջակցեն ազգային կարողությունների զարգացմանը փաստաթղթերի անվտանգության ոլորտում, ինչը կազմում է սահմանային անվտանգության հզորացմանն ուղղված ջանքերի մասը՝ միևնույն ժամանակ նպաստելով առևտրի դյուրացմանն ու սահմանային անցակետերում ուղևորների հոսքին:
 
ՀՀ ԿԱ ԱԱԾ սահմանապահ զորքերի սահմանային վերահսկողության սահմանապահ ջոկատի պետ գնդապետ Արմեն Մուրադյանը,  ՀՀ-ում ԵՄ պատվիրակության ներկայացուցիչ պրն Դավիթ Ավագյանը, և ՄԻԲՄԱ ծրագրի թիմի ղեկավար պրն Կարել Հոֆսթրան
ողջունեցին դասասենյակի բացումը: Պրն Մուրադյանն իր խորին երախտագիտությունը հայտնեց Եվրոպական միությանը և Միգրացիոն քաղաքականության մշակման ազգային կենտրոնին Սահմանապահ զորքերի ուսումնական կենտրոնին տրամադրվող աջակցության համար: Իր բացման խոսքում պրն Դավիթ Ավագյանը նշեց, «Նոր դասասենյակը ԵՄ ջանքերի ևս մեկ շոշափելի արտահայտությունն է աջակցելու արդյունավետ և կարողունակ սահմանային կառավարմանը: ԵՄ-ը շարունակելու է աջակցել Հայաստանին իր սահմանային շինությունների և ընթացակարգերի բարելավման հարցում:»  Պրն Կարել Հոֆսթրան հավելեց, որ ի լրումն դասասենյակի վերակահավորման, ծրագիրն օժանդակում է ԵՄ անդամ պետությունների կողմից փորձագիտության տրամադրվող փաստաթղթղերի անվտանգության ոլորտում ընթացիկ ուսումնական գործողություններին: «Ճամփորդական փաստաթղթերի ստուգման ոլորտում կարողությունների հետագա զարգացումը կարևոր է Հայաստանի և Եվրոպական միության միջև վիզաների ազատականացման շուրջ հնարավոր երկխոսության պարագայում»,- ասաց պրն Կարել Հոֆսթրան։
 
Դասասենյակի բացմանը հաջորդելու է «Ճամփորդական փաստաթղթերի նույնականացում և պրոֆիլավորում» թեմայով երկօրյա դասընթացը հրահանգիչների համար, որն անց են կացնելու տեղական և ԵՄ փորձագետները սահմանային անցակետի հերթափոխի պետերի համար:
 
 
 
 
 
 
 
Նոյյան տապան   -   Մամլո հաղորդագրություն
Լուրեր Հայաստանից եւ Սփյուռքից

Կարդացել են 1294 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար