Ի՞նչը հաղթեց այս ընտրություններում. Պատասխանում է ժողովուրդը (տեսանյութ)

Ձայն բազմաց



11-04-2017 19:11:22   | Հայաստան  |  5-րդ խոսափող

Հայաստանում չեն դադարում քննարկումները կայացած խորհրդարանական ընտրությունների շուրջ: «Նոյյան Տապան»-ի 5-րդ խոսափողն փորձեց պարզել երեւանցիների կարծիքը թեմային վերաբերող 4 հարցերի շուրջ։ Ստորեւ ներկայացնում ենք հարցերը եւ առավել հաճախ հնչող մտքերը․

1. Ուրախացա՞ք, թե տխրեցիք` իմանալով խորհրդարանական ընտրությունների արդյունքները: 

- Ես շատ դժգոհ եմ ընտրությունների արդյունքներից, նաև դժգոհ եմ, թե ինչպես են անցել ընտրությունները, քանի որ նոր փոփոխություններ էի սպասում: 

-Տխրելու ոչ մի պատճառ չկա, քանի որ ամեն ինչ կանխատեսելի էր: 

-Տխրեցինք, բայց սպասում էինք, որովհետև ընդդիմությանն էինք ընտրել: 

-Ոչ ուրախացա, ոչ էլ տխրեցի, որովհետև ամեն ինչ պարզ էր: 

2. Ըստ Ձեզ, ի՞նչը հաղթեց այս ընտրություններում` հավատն իշխանությունների հանդեպ, թե՞ վախը և կաշառվածությունը: 

-Իմ կարծիքով, առաջին տեղում վախն է, երկրորդը` կաշառքը, երրորդը` չկա:

-Ես կգերադասեի, որ հաղթեր ճշմարտությունը և արդարությունը:

-Չեմ կարծում, որ ընտրակաշառքն այդքան մեծ դեր խաղաց, որովհետև հայությունն արդեն հասկանում է, թե ինչ վիճակում է գտնվում: 

Մյուս պատասխանները` տեսանյութում

 

 


Նոյյան տապան   -   5-րդ խոսափող
Լուրեր Հայաստանից եւ Սփյուռքից
Կարդացել են 20699 անգամ