«Փոքրիկ նկարիչներ» 6-րդ մրցույթի առաջին փուլի հաղթողներին շնորհվեցին պատվոգրեր (տեսանյութ)



17-05-2017 20:11:57   | Հայաստան  |  Հասարակություն
 
Արդեն ավանդույթ է դարձել, երբ «Մանկիկ» ամսագրի կողմից պարբերաբար անցկացվող «Փոքրիկ նկարիչներ» մրցույթի հաղթողների պարգևատրումը վերածվում է իսկական տոնի: 
Հերթական անգամ Վահագն Դավթյանի անվան այգի են եկել փոքրիկ նկարիչներն իրենց ծնողների ու տատիկ-պապիկների ուղեկցությամբ: Ներկաների համար հետաքրքիր և ուրախ ժամանց ապահովելու նպատակով մրցանակաբաշխությանը մասնակցում էին նաև «Մանկիկ» ամսագրի հավատարիմ ընկերները` «Փոքրիկ Էյնշտեյն» գիտական շոու-ծրագրի հեղինակը և Հայաստանի Կիոկուշին կարատեի ֆեդերացիայի սաները:
Հանրապետության ողջ տարածքից մցույթին մասնակցած և հաղթած փոքրիկ նկարիչների պարգևատրման առաջին փուլում առաջին տեղը զբաղեցրել է շուրջ 50 երեխա, իսկ երկրորդ և երրորդ տեղերը բաժանվել են համապատասխանաբար 30 և 20 երեխայի միջև:
 Տոնական մթնոլորտում անցկացված մրցանակաբաշխությանը չներկայացած փոքրիկներն իրենց պատվոգրերը հնարավորություն ունեն ստանալ «Մարի» հրատարակչության գրասենյակից:  
«Մանկիկ» ամսագրի «Փոքրիկ նկարիչներ» 6-րդ մրցույթի երկրորդ փուլի արդյունքներն ամփոփվելու են հունիսի 13-ին: 
 
 
 
Էլիզա Զախարյան, «Նոյյան Տապան» 
 


Նոյյան տապան   -   Հասարակություն
Լուրեր Հայաստանից եւ Սփյուռքից