Լույս է տեսել «Ոսկանյան Աստվածաշնչի պատկերները» գիրքը` նվիրված Աստվածաշնչի հայերեն առաջին տպագրության 350-ամյակին

30-05-2017 15:02:10   | Արմավիրի մարզ  |  Նոր գրքեր
Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսի օրհնությամբ Մայր Աթոռ Սուրբ Էջմիածնի Հրատարակչական բաժինը և «Վաչե և Թամար Մանուկյան» Մատենադարանը լույս են ընծայել «Ոսկանյան Աստվածաշնչի պատկերները» գիրքը` նվիրված Աստվածաշնչի հայերեն առաջին տպագրության 350-ամյակին: Գրքի մտահղացման հեղինակը Մայր Աթոռի Մատենադարանի տնօրեն Արժանապատիվ Տ. Արարատ քահանա Պողոսյանն է:
 


Ոսկանյան Աստվածաշունչը ոչ միայն առաջին հայերեն տպագիր Աստվածաշունչն է, այլև` այն քչերից մեկը, որ իր մեջ պարունակում է փորագրապատկերներ: Գիրքը նվիրված է Ոսկանյան Աստվածաշնչում տեղ գտած փորագրապատկերներին: Պատկերների հրատարակության հետ մեկտեղ բացատվում են յուրաքանչյուր պատկերի պատկերագրական առանձնահատկություններն ու զուգահեռները, բերվում են նաև դրանց վերաբերող սուրբգրային հատվածները: Առանձին հավելվածով ներկայացված են Ոսկանյան Աստվածաշնչում օգտագործված գլխագրերը, վերջնազարդերը և էջազարդերը:
Նկարների մեկնաբանությունները պատրաստել է Արփինե Սիմոնյանը, խմբագիրն է Գևորգ Տեր-Վարդանյանը:
Գիրքը տպագրվել է «Սարգիս Գաբրիելյան» հիմնադրամի մեկենասությամբ:
 
Նոյյան տապան   -   Նոր գրքեր
Լուրեր Հայաստանից եւ Սփյուռքից

Կարդացել են 786 անգամ



Բաժանորդագրվեք «Նոյյան Տապան»-ի մեր էջերին
«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար
 
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար