Լայնածավալ սանմաքրման աշխատանքներ` Հրազդանի կիրճում, Հաղթանակ և Նոր Արաբկիր զբոսայգիներում

21-10-2017 13:32:25   | Հայաստան  |  Մամլո հաղորդագրություն
 


Համապետական շաբաթօրյակի ընթացքում մայրաքաղաքի Հրազդանի կիրճում, Հաղթանակ և Նոր Արաբկիր զբոսայգիներում իրականացվել են մեծածավալ սանմաքրման աշխատանքներ, որոնց մասնակցել են Երևանի քաղաքապետարանի և վարչական շրջանների աշխատակազմերը, Երևանի ավագանու «Հանրապետական կուսակցություն» խմբակցության անդամները, քաղաքապետարանի ենթակայության կազմակերպությունների, պետական և մասնավոր կառույցների աշխատակիցները, ուսանողներ, բնակիչներ:
 
Վաղ առավոտից մեկնարկած աշխատանքներին հետևել է Երևանի քաղաքապետի առաջին տեղակալ Կամո Արեյանը, ով նշել է, որ նմանատիպ շաբաթօրյակները ոչ միայն նպաստում են  Երևանը մաքրելուն, այլև պարունակում են դաստիարակչական գործառույթ՝ սովորեցնելով միշտ մաքուր պահել քաղաքը:
 
Շաբաթօրյակով  Հրազդանի կիրճը, Հաղթանակ և Նոր Արաբկիր զբոսայգու ճեմուղիները, կանաչ գոտիները և հանրային օգտագործման այլ տարածքներ աղբահանվել են և բերվել պատշաճ տեսքի:
 
Շաբաթօրյակի բոլոր մասնակիցներն ապահովված են եղել բահերով, պարկերով, ձեռնոցներով և անհրաժեշտ այլ պարագաներով:
Նոյյան տապան   -   Մամլո հաղորդագրություն
Լուրեր Հայաստանից եւ Սփյուռքից

Կարդացել են 389 անգամ



Բաժանորդագրվեք «Նոյյան Տապան»-ի մեր էջերին
«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար
 
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար