Տեսչական մարմնի ղեկավարն աշխատանքային այցով եղել է ՀՀ Արմավիրի մարզում

06-12-2017 14:45:30   | Արմավիրի մարզ  |  Մամլո հաղորդագրություն
 

ՀՀ ԲՆ բնապահպանության և ընդերքի տեսչական մարմնի ղեկավար Ե.Տերտերյանն աշխատանքային այցով մեկնել է ՀՀ Արմավիրի մարզ: 
Այցի շրջանակներում տեսչական մարմնի ղեկավարը հանդիպում է ունեցել ՀՀ Արմավիրի մարզպետ՝ Ա. Ղահրամանյանի հետ:
Հանդիպմանը մասնակցում էին նաև ուժային կառույցների, տնտեսվարող սուբյեկտների, տեղական ինքնակառավարման մարմինների ղեկավարներ, մարզպետարանի և Տեսչական մարմնի տարածքային բաժնի աշխատակիցներ, որի ընթացքում քննարկվեցին մարզում առկա` մթնոլորտ արտանետումների, բժշկական թափոնների, աղբահանության, օգտակար հանածոների հանքավայրերի շահագործման, խորքային հորերի օգտագործման թույլտվությունների ձեռքբերման և այլ բնապահպանական խնդիրներ:
 
Իր խոսքում Ե.Տերտերյանը կարևորեց տեղական ինքնակառավարման մարմինների, ուժային կառույցների հետ սերտ համագործակցությունն՝ ակնկալելով վերջինների աջակցությունը բնապահպանական խնդիրների վերհանման ու լուծման համար: 
ՀՀ Արմավիրի մարզպետ Ա.Ղահրամանյանը իր հերթին վստահեցրեց, որ
մարզի ղեկավար կազմը նույնպես խիստ կարևորում է մարզում առկա բնապահպանական խնդիրները և իր պատրաստակամությունն է հայտնում ակտիվ համագործակցել տեսչական մարմնի հետ։ 
Աշխատանքային քննարկումներից և համայնքների ղեկավարների կողմից բարձրացված հարցերին պատասխանելուց հետո Տեսչական մարմնի ղեկավար Ե.Տերտերյանը ՀՀ Արմավիրի մարզի Վաղարշապատ քաղաքում իրականացրեց անվանական ծառատունկ:
Այցի ավարտին Ե.Տերտերյանը ծանոթացավ տարածքային բաժնի աշխատանքային պայմաններին, տվեց համապատասխան հանձնարարականներ։
 
Նոյյան տապան   -   Մամլո հաղորդագրություն
Լուրեր Հայաստանից եւ Սփյուռքից

Կարդացել են 148 անգամ



Բաժանորդագրվեք «Նոյյան Տապան»-ի մեր էջերին
«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար
 
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար