Նախիրը հայտնվել է հայ-ադրբեջանական դիրքերի միջեւ ընկած տարածքում. 2 կով ականի վրա պայթել է. «Առավոտ»

07-12-2017 13:05:13   | Տավուշի մարզ  |  Մամուլի տեսություն
«Առավոտ».Դեկտեմբերի 6-ի երեկոյան Տավուշի մարզի Ոսկեպար գյուղի բնակիչ Գրիշա Գեւորգյանին պատկանող 30 խոշոր եղջերավոր անասունը Ոսկեպար-Բաղանիս հատվածում հայտնվել է սահմանի չեզոք գոտում, հայ-ադրբեջանական դիրքերի միջեւ ընկած տարածքում:
 


Ոսկեպարի վարչական ղեկավար Սերոբ Մախսուդյանից տեղեկացանք, որ անցած գիշեր կովերից մեկը պայթել է ականի վրա, հաջողվել է վիրավոր կովին չեզոք գոտուց դուրս բերել: Այսօր`դեկտեմբերի 7-ին եւս մեկ կով պայթել է ականի վրա: Ներկայումս սահմանի չեզոք գոտում նշմարելի է 20 խոշոր եղջերավոր անասուն, մնացած 8-ի գտնվելու վայրն անհայտ է: Սահմանապահների մասնակցությամբ միջոցներ են ձեռնարկվում նախիրը վտանգավոր գոտուց դուրս բերելու համար: Չեզոք գոտում հայտնված անասունների զգալի մասը կովեր են: Մենք նախկինում հայտնել ենք Ոսկեպարի բնակիչներին պատկանող կովերի սահմանագոտում ականների վրա պայթելու դեպքերի մասին:
 
Ոսկան ՍԱՐԳՍՅԱՆ 
 
 
 
 
Նոյյան տապան   -   Մամուլի տեսություն
Լուրեր Հայաստանից եւ Սփյուռքից

Կարդացել են 361 անգամ

Բաժանորդագրվեք «Նոյյան Տապան»-ի մեր էջերին

«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար
 
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար