Պաղեստինում համընդհանուր գործադուլներ են ընթանում՝ ի նշան բողոքի Երուսաղեմի հարցում Թրամփի որոշման դեմ

07-12-2017 15:59:46   |   |  Քաղաքական
 

Համընդհանուր գործադուլները կաթվածահար են արել Հորդանանի արևմտյան ափի կյանքը: Հասարակությունը դուրս է եկել փողոց՝ ի նշան բողոքի Վաշինգտոնի կողմից Երուսաղեմն Իսրայելի մայրաքաղաք ճանաչելու որոշման դեմ: 
 
РИА Новости-ի փոխանցմամբ՝ կանգ է առել կրթական ոլորտի բոլոր կառույցների աշխատանքը: Այդ երկրի Կրթության նախարարության որոշմամբ՝ փակվել են դպրոցները, համալսարանները և ինստիտուտները: 
 
Գործադուլ են հայտարարել նաև առևտրային ոլորտի ներկայացուցիչները: 
Նշվում է, որ պաղեստինյան կուսակցությունները հասարակությանը կոչ են արել դուրս գալ փողոց և մասնակցել բողոքի ակցիաներին: 
 
Ի նշան բողոքի՝ տեղի իշխանությունները հանգցրել են ամանորյա տոնածառերի և Ալ Աքսա մզկիթի լույսերը: 
 
Հիշեցնենք, որ նախօրեին ԱՄՆ նախագահ Դոնալդ Թրամփը հանդես էր եկել Երուսաղեմն Իսրայելի մայրաքաղաք ճանաչելու և Թել Ավիվից ամերիկյան դեսպանության տեղափոխման մասին հայտարարությամբ: 
Ի պատասխան Թրամփի հայտարարության՝ պաղեստինյան ՀԱՄԱՍ շարժման քաղաքական ղեկավար Իսմայիլ Հանիյան նոր, երրորդ, արաբական ինթիֆադայի՝ Իսրայելի դեմ ապստամբելու,  կոչ է արել:
 
Նոյյան տապան   -   Քաղաքական
Լուրեր Հայաստանից եւ Սփյուռքից

Կարդացել են 315 անգամ
Անվճար բաժանորդագրվեք մեր հաղորդումներին YouTube-ում, Facebook-ում, Twiter-ում
 
Noyan Tapan - Նոյյան տապան
Facebook Group · 3 333 անդամ
Միանալ խմբին
Խումբը ստեղծվել է «Նոյյան տապանի» հեռուստակամուրջ - հաղորդաշարի համակիրների համար, որպեսզի վերջիններս հնարավորություն ունենան. - Արտահայտել իրենց կարծիքը...