Տեղի է ունեցել «Երևան՝ խելացի քաղաք» ծրագրի մշակման և իրականացման հանձնաժողովի հերթական նիստը

07-12-2017 17:39:01   | Հայաստան  |  Մամլո հաղորդագրություն
Երևանի քաղաքապետարանում տեղի է ունեցել «Երևան՝ խելացի քաղաք» ծրագրի մշակման և իրականացման հանձնաժողովի հերթական նիստը: Հանձնաժողովի նախագահ, Երևանի ավագանու անդամ Հովիկ Մուսայելյանը, նախքան օրակարգային հարցերին անցնելը, ներկայացրել է հանձնաժողովի նոր անդամներին՝ Երևանի առևտրաարդյունաբերական պալատի նախագահ Անդրանիկ Ալեքսանյանին և «Վիվասել-ՄՏՍ» ՓԲԸ-ի տեղեկատվական համակարգերի դեպարտամենտի տնօրեն Թոմաս Մազեջյանին:
 


Նիստի շրջանակում քննարկվել են  կարճաժամկետ ռազմավարության մշակման հիմնական դրույթները,  Երևանի 2800-ամյակին նվիրված միջոցառումների շրջանակում «Երևան, նոր հորիզոններ-Սմարթ սիթի» ֆորումի կազմակերպմանը, Եվրամիության պատվիրակների մասնակցությամբ «Երևան՝ խելացի քաղաք» միջոցառման իրականացմանը, ինչպես նաև Եվրոպայի առևտրի պալատի հետ համագործակցության, «Երևան՝ խելացի քաղաք» ապրանքանիշի օգտագործմանն առնչվող և մի շարք այլ հարցեր: 
Նիստի ընթացքում հանձնաժողովի անդամները ներկայացրել են «Երևան՝ խելացի քաղաք» գաղափարի շրջանակում արդեն իսկ իրականացված աշխատանքների մասով հաշվետվություններ: Մանսավորապես նշվել է, որ «էլեկտրոնային կառավարումը Արևելյան գործընկերության երկրներում» ծրագրով Երևանն ընդգրկվել է «Խելացի քաղաք» աշխատախմբում: Երևան-Մարսել համագործակցության 25-ամյակի առթիվ Երևանի քաղաքապետի գլխավորած պատվիրակության՝ Մարսել կատարած այցի ընթացքում էլ ֆրանսիական կողմի հետ ձեռք է բերվել պայմանավորվածություն՝ նորարարական տեխնոլոգիական բնագավառում համագործակցություն ծավավելու առնչությամբ: 
 
Նոյյան տապան   -   Մամլո հաղորդագրություն
Լուրեր Հայաստանից եւ Սփյուռքից

Կարդացել են 128 անգամ



Բաժանորդագրվեք «Նոյյան Տապան»-ի մեր էջերին
«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար
 
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար