Վրաստանում ՀՀ դեսպանը հանդիպել է Վրաստանում Գերմանիայի դեսպանի հետ

15-01-2018 18:48:30   | Վրաստան  |  Մամլո հաղորդագրություն
Հունվարի 15-ին Վրաստանում ՀՀ դեսպան Ռուբեն Սադոյանն աշխատանքային հանդիպում է ունեցել Վրաստանում Գերմանիայի դեսպան Հայկե Պայչի հետ։
 


Ինչպես տեղեկացնում են դեսպանությունից, հանդիպմանը զրուցակիցները քննարկել են երկկողմ հետաքրքություն ներկայացնող հարցերի լայն շրջանակ։
 
«Դեսպան Սադոյանը նշեց, որ հայ-գերմանական քաղաքական երկխոսությունը և բազմաբնույթ համագործակցությունը զարգանում են դինամիկ կերպով և հագեցած են ինտենսիվ բարձրաստիճան փոխայցելություններով:
 
Անդրադառնալով Ղարաբաղյան հակամարտությանը՝ Ռուբեն Սադոյանը Գերմանիայի դեսպանին հանգամանորեն ներկայացրեց հիմնախնդրի բացառապես խաղաղ կարգավորման ուղղությամբ Հայաստանի և ԵԱՀԿ Մինսկի խմբի համանախագահ երկրների կողմից գործադրվող ջանքերը և ադրբեջանական կողմի ապակառուցողական գործելաոճը։ Ռուբեն Սադոյանը նաև խոսեց օրեր առաջ ադրբեջանցի դիպուկահարի կրակոցից Արցախում հերթական հայ զինծառայողի զոհվելու փաստի մասին։
 
Այնուհետև, կողմերն անդրադարձան ՀՀ-ԵՄ համապարփակ և ընդլայնված գործընկերության համաձայնագրին և խոսեցին հայ-գերմանական երկկողմ հարաբերությունների համատեքստում այդ համաձայնագրի ընձեռող հնարավորությունների մասին։
 
Դեսպան Սադոյանն իր հերթին նշեց, որ հայ ժողովուրդը մեծ հանրգանքով է վերաբերվում գերմանացի բարեկամ ժողովրդին և նաև մեծ երախտագիտությամբ հիշում 2016 թ. Բունդեսթագի կողմից Հայոց ցեղասպանությունը ճանաչող բանաձևի ընդունման փաստը։
 
ՀՀ դեսպանի խնդրանքով դեսպան Պեյչը խոսեց Գերմանիայում փախստականների հետ կապված հարցերի մասին։ Դեսպան Սադոյանն այդ համատեքստում նշեց, որ Հայաստանն ընդունել է Սիրիայից ժամանած շուրջ 22000 փախստականների, որոնք գտնվում են Հայաստանի իշխանությունների մշտական հոգածության ներքո՝ ընդգծելով, որ ընդունած փախստականների թվով Հայաստանը երրորդն է Եվրոպայում՝ իր բնակչության թվի համամասնությամբ»,– հայտնում են դեսպանությունից:
Նոյյան տապան   -   Մամլո հաղորդագրություն
Լուրեր Հայաստանից եւ Սփյուռքից

Կարդացել են 228 անգամ



Բաժանորդագրվեք «Նոյյան Տապան»-ի մեր էջերին
«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար
 
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար