Պենտագոնի ղեկավարությունն Աֆրինի հետ կապված Թուրքիային զսպվածության կոչ է արել

23-01-2018 16:48:06   | ԱՄՆ  |  Հասարակություն
 


ԱՄՆ-ի պաշտպանության նախարար Ջեյմս Մեթիսը Թուրքիային զսպվածության կոչ է արել կապված Սիրիայում քրդական զինված ստորաբաժանումների դեմ տարվող գործողությունների հետ, որոնք թուրքական զորքերն իրականացնում են հյուսիսային Աֆրին շրջանում: 
Tass-ի փոխանցմամբ՝ այդ մասին Պենտագոնի ղեկավարը հայտարարել է Ինդոնեզիայի մայրաքաղաքում՝ պաշտոնական այցի շրջանակներում: 
 
«Բռնություններն Աֆրինում խնդիրներ են առաջացնում Սիրիայի շրջանում, որը նախկինում համեմատաբար կայուն վիճակում էր գտնվում»,- նշել է Մեթիսը՝ հավելելով, որ իրենք կոչ են անում Թուրքիային զսպվածություն ցուցաբերել ինչպես ռազմական գործողություններում, այնպես էլ հռետորաբանության մեջ: 
 
Նշենք, որ Թուրքիայի զինված ուժերի գլխավոր շտաբը հունվարի 20-ին Աֆրին շրջանում բնակվող 1,5 մլն սիրիացի քրդերի նկատմամբ հայտարարել է «Ձիթենու ճյուղ» գործողությունների մեկնարկի մասին: 
Վերջին տվյալներով՝ Թուրքիայի ռազմաօդային ուժերին պատկանող ինքնաթիռները գործողությունների ընթացքում Աֆրինում խոցել են ավելի քան 170 նշանակետ: 
 
Նոյյան տապան   -   Հասարակություն
Լուրեր Հայաստանից եւ Սփյուռքից

Կարդացել են 310 անգամ



Բաժանորդագրվեք «Նոյյան Տապան»-ի մեր էջերին
«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար
 
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար