Արդէն գրեթէ ապաքինած եմ եւ կրկին պատրաստ եմ վերադառնալու իմ առօրեային․ Րաֆֆի Տուտագլեան

07-03-2018 19:11:37   | Հայաստան  |  Հասարակություն
Սիրելի ընկերներ, հարազատներ, բարեկամներ եւ դիմատետրի հեռաւոր ու մօտիկ ծանօթներ,
 


Նախ՝ շնորհակալութիւն ձեր բարեմաղթանքներուն համար: Իրապէս զգացուած եւ յուզուած եմ այն հազարաւոր զօրակցական մաղթաքներուն, նամակներուն եւ արտայայտութիւններուն համար, որոնք ուղարկուեցան ինծի վերջին մի քանի օրերուն:
 
Հիմա որ արդէն գրեթէ ապաքինած եմ եւ կրկին պատրաստ եմ վերադառնալու իմ առօրեային, կ’ուզեմ կատարել մի քանի հաստատումներ:
 
1, Կը հաւատամ, որ բռնարարքը, որուն նշաւակը դարձայ, ուղղուած էր բացառապէս իմ դէմ:
 
2, Չեմ կրնար ըսել, թէ ո՞վ կատարած է այս արարքը եւ որո՞ւ պատուէրով: Ունիմ ենթադրութիւններ, որոնց մասին տեղեակ պահած եմ համապատասխան մարմիններու եւ անձանց:
 
3, Բազմաթիւ պատճառներ ունիմ հաւատալու, որ բռնարարքի պատճառը իմ գրութիւններս են եւ կարծիքներս, զորս արտայայտած եմ տարբեր առիթներով, տարբեր հարթակներէ (թերթեր, համացանց, սոցիալական ցանցեր, եւայլն):
 
4, Ոչ անցեալին, ոչ ալ այսօր բռնութեամբ կարելի եղած է կամ կարելի է լռեցնել գրողներն ու մտաւորականութիւնը: Այլապէս, վաղուց արդէն մենք միակարծիք հասարակութիւն կ’ունենայինք այս մոլորակին վրայ:
 
5, Հիմա այս էջը փակելու եւ նորը բանալու ժամանակն է: Գործ կայ ընելիք: Հսկայական գործ: Պէտք է վերադառնանք մեր առօրեային աւելի ուժեղացած, աւելի մեծ եռանդով:
 
Այս բոլորը կ’անցնին կ’երթան եւ պատմութեան մէջ չեն ալ յիշուիր: Բայց գործը կը մնայ:
Կը կցեմ նաեւ մեր բարեգործական հիմնադրամի Հոգաբարձուներու խորհուրդի յայտարարութիւնը: Հոն ամէն ինչ յստակ կ’ըսուի: Աւելցնելիք չունիմ: Դարձեալ շնորհակալութիւն բոլորիդ:
 
ՌԱՖՖԻ ՏՈՒՏԱԳԼԵԱՆ
Նոյյան տապան   -   Հասարակություն
Լուրեր Հայաստանից եւ Սփյուռքից

Կարդացել են 443 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար


Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար