Կարո Եղնուկյանն ազատ արձակվեց. Նա առաջին հերթին այցելելու է Գարեգին Չուքասզյանին և հնարավոր է միանա նրան

24-05-2018 18:00:22   | Հայաստան  |  Իրավունք
 


Կարո Եղնուկյանն ազատ արձակվեց դատական նիստերի դահլիճից: Լրագրողի այն հարցին, թե առաջինը ուր է գնալու, Կ. Եղնուկյանը նշեց, որ այցելելու է Գարեգին Չուքասզյանին և հնարավոր է միանա նրան: 
 
Նրա խոսքերով, եթե չկարողանա Չուքասզյանին համոզել դադարեցնել հացադուլը, ապա նույն պահանջով հնարավոր է ինքը ևս հացադուլ սկսի: 
 
«Հեղափոխությունն իր մեջ պարունակում է, ինչպես Գարեգին Չուքասզյանն է ասել, բաստիլի քանդումը: Իսկ մեր թավշյա հեղափոխությունը, քանի որ դասական հեղափոխություն չէ, գնում է այդ ճամփով, բայց այդ ճամփան շատ կամաց է: Եվ բաստիլի քանդման այս կամաց ճամփան մարդկանց մեջ, ժողովրդի մեջ սպասելիքը չի հերիքում: Երեկվա Ժիրիայր Սեֆիլյանի և Վարուժան Ավետիսյանի նամակը վարչապետին հենց դա էր ասում»,- ընդգծեց նա՝ հավելելով, որ դատական համակարգը դեռևս կաշկանդված է: 
 
Կ. Եղնուկյանը նշեց, որ համամիտ է վարչապետի հետ այն մասով, որ չպետք է դատավորներին հրահանգներ տալ, սակայն գործընթացի երկարաձգումը շատ վտանգավոր է: 
 
 
 
 
 
 
 
Էլիզա Զախարյան, «Նոյյան Տապան» 
Նոյյան տապան   -   Իրավունք
Լուրեր Հայաստանից եւ Սփյուռքից

Կարդացել են 2914 անգամ



Բաժանորդագրվեք «Նոյյան Տապան»-ի մեր էջերին
«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար
 
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար