Խարդախության նոր ծուղակ․ Ահազանգում է ինտերպոլի գլխավոր քարտուղարությունը

14-06-2018 16:39:19   | Հայաստան  |  Մամլո հաղորդագրություն
Ինտերպոլի Գլխավոր Քարտուղարության տարածած տեղեկատվության համաձայն` վերջին շաբաթների ընթացքում բազմաթիվ բողոքներ են ստացվել արտերկրներ մեկնելու նպատակով մուտքի արտոնագիր ստանալու համար դիմած և խարդախության զոհ դարձած անձանց կողմից:
 


 
Ստացված տեղեկատվության համաձայն` վերոհիշյալ անձինք դիմել են արտերկրներում, մասնավորապես՝ Կանադայում, սովորելու կամ աշխատելու նպատակով մուտքի արտոնագիր ստանալու համար, ինչի կապակցությամբ նրանցից գումարներ են պահանջել մի շարք վարչական բնույթի գործընթացներ իրականացնելու համար, սակայն այդպես էլ արտոնագիր չեն տրամադրել:
 
Խարդախները, ներկայանալով որպես միգրացիոն կազմակերպություն, ճամփորդական գործակալություն կամ պետական իրավասու մարմին, արտերկրում սովորելու, աշխատելու կամ ժամանակավոր բնակություն հաստատելու նպատակով հեռախոսազանգերի կամ համացանցի միջոցով առաջարկել են բարձրակարգ ծառայություններ՝ օժանդակելու արտոնագրերի ստացման գործընթացում:
 
Խարդախները կիրառում են հետևյալ գործելաոճը՝ էլեկտրոնային նամակների միջոցով ուղարկելով կեղծ փաստաթղթեր, հայտադիմումներ, առաջարկում են լրացնել դրանք և հետ ուղարկել՝ տրամադրելով հղումներ կեղծ կայքերից:
 
 
Իրենց ծառայությունների, ինչպես և, որոշ դեպքերում, արտերկում անցկացվելիք թրեյնինգների, երբեմն նաև ճանապարհի և կեցության ծախսերի համար պահանջում են գումարներ փոխանցել բանկային հաշվեհամարների կամ գումարային փոխանցման համակարգերի միջոցով:
 
Խարդախության զոհ են դարձել առավելապես Աֆրիկայի տարածաշրջանի երկրների քաղաքացիներ: Խարդախության արդյունքում հափշտակվել է ավելի քան 10.000 ԱՄՆ դոլար:
Նոյյան տապան   -   Մամլո հաղորդագրություն
Լուրեր Հայաստանից եւ Սփյուռքից

Կարդացել են 328 անգամ



Բաժանորդագրվեք «Նոյյան Տապան»-ի մեր էջերին
«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար
 
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար