«Նուբարաշեն» ՔԿՀ-ի շինաշխատանքներում ներգրավված էքսկավատորի խցիկում հայտնաբերվել են ոգելից խմիչք, բջջային հեռախոսներ, բուսական զանգվածներով փաթեթներ

20-07-2018 16:36:35   | Հայաստան  |  Իրավունք
Հուլիսի 19-ին՝ ժամը 10:30-ի սահմաններում, օպերատիվ տվյալների իրացմամբ ՀՀ ԱՆ «Նուբարաշեն» քրեակատարողական հիմնարկի աշխատակիցները հսկիչ անցագրային կետում զննության են ենթարկել հիմնարկի շինարարական աշխատանքներում ներգրավված էքսկավատորը, որի խցիկում հայտնաբերել են պոլիէթիլենային տոպրակ:
 

Տոպրակի զննությամբ հայտնաբերվել և առգրավվել են 0.7 լիտր տարողությամբ 3 շիշ և 1 լիտր տարողությամբ 1 շիշ ոգելից խմիչք, 3 բջջային հեռախոս, դեղնականաչավուն բուսական զանգվածներով 2 փաթեթ` ընդհանուր 8.1 գրամ և 9.2 գրամ քաշերով:
 
Իսկ էքսկավատորի վարորդ, քաղաքացի Գ. Ն.-ի խուզարկությամբ կոշիկի մեջ հայտնաբերվել են մուգ շագանակագույն, յուրահատուկ հոտով 8.7 գրամ փոշենման զանգված, կիսաչոր, կանաչ բուսական զանգվածների փաթեթներ՝ ընդհանուր 5.2 և 2 գրամ քաշերով, չոր, դեղնականաչավուն բուսական զանգվածներ՝ ընդհանուր 1.8 և 2.3 գրամ քաշերով:
 
Փաստի առթիվ նախապատրաստվում են նյութեր: Նշանակվել է դատաքիմիական փորձաքննություն:
 
Նոյյան տապան   -   Իրավունք
Լուրեր Հայաստանից եւ Սփյուռքից

Կարդացել են 535 անգամ



Բաժանորդագրվեք «Նոյյան Տապան»-ի մեր էջերին
«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար
 
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար