«Թվային տեխնոլոգիաների ներդրմամբ պետք է և կարող ենք համակարգի աշխատանքներն առավել ճկուն և արդյունավետ դարձնել». Արսեն Թորոսյան

14-08-2018 17:30:19   | Հայաստան  |  Հասարակություն
Հայաստանում էլեկտրոնային առողջապահության համակարգը սահուն ներդնելու, դրա ճշգրտությունն ու դրանում ներբեռնված անձնական տվյալների կիբերանվտանգությունն ապահովելուն առնչվող հարցեր են քննարկվել առողջապահության նախարար Արսեն Թորոսյանի և նորարարական տարբեր հայեցակարգերի հեղինակ Հարի Գլորիկյանի հանդիպման ժամանակ: Այս մասին տեղեկացրին ՀՀ առողջապահության նախարարությունից:
 


Գլորիկյանը, որպես հեռահաղորդակցության ոլորտում արտոնագրված մի շարք գյուտերի հեղինակ և բնական գիտությունների, առողջապահության, առողջապահական տեխնոլոգիաների ոլորտներում իր ձեռքբերումներով հայտնի մասնագետ, նախարար Թորոսյանին առաջարկել է նորամուծություններ ներդնել հայաստանյան համակարգում ևս:
 
«Թվային տեխնոլոգիաների ներդրմամբ պետք է և կարող ենք համակարգի աշխատանքներն առավել ճկուն և արդյունավետ դարձնել, ներդրվելիք e-health համակարգի անվտանգությունն` ավելի բարձր: Ուստի մենք մեծապես հետաքրքրված ենք այդպիսի նորարարություններով»,- ընդգծել է առողջապահության նախարարը:
 
Հարի Գլորիկյանն իր հերթին ներկայացրել է մի շարք երկրների հաջող փորձն այս առումով և նկատել, որ Սփյուռքի մասնագետների ներգրավմամբ հնարավոր է հայաստանյան առողջապահական համակարգը խիստ մրցունակ դարձնել այս առումով:
 
Նախարար Թորոսյանին հետաքրքրել է նաև Գլորիկյանի գաղափարը` Հայաստանում բջջային մակարդակով հետազոտությունների միջոցով պարզել մի շարք հիվանդությունների, մասնավորապես, քաղցկեղով հիվանդացության հակումը և պատճառները` ըստ այդմ նորովի մասնագիտական մոտեցում ցուցաբերելու:
 
Պայմանավորվածություն է ձեռք բերվել նախնական քննարկումներին հետագայում առավել առարկայական ընթացք հաղորդել:
Նոյյան տապան   -   Հասարակություն
Լուրեր Հայաստանից եւ Սփյուռքից

Կարդացել են 488 անգամ



Բաժանորդագրվեք «Նոյյան Տապան»-ի մեր էջերին
«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար
 
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար