Արտակ Զեյնալյանը հանդիպել է «Կառուցողական երկխոսության հանձնառություն» ծրագրի ներկայացուցիչներին

15-08-2018 18:57:40   | Հայաստան  |  Մամլո հաղորդագրություն
Օգոստոսի 15-ին արդարադատության նախարար Արտակ Զեյնալյանը և փոխնախարար Սուրեն Քրմոյանը հանդիպեցին Եվրամիության կողմից ֆինանսավորվող «Կառուցողական երկխոսության հանձնառություն» ծրագրի ղեկավար Կարեն Զադոյանի և ծրագրի շրջանակում ֆինանսավորում ստացած ՔՀԿ կոալիցիաների ներկայացուցիչներ հետ, ովքեր «Կառուցողական երկխոսության հանձնառություն» ծրագրի շրջանակներում ներկայումս արդարադատության և մարդու իրավունքների ոլորտներում փաստարկված հանրային քաղաքականությունների բարելավման ծրագրեր են իրականացնում:
 

Հանդիպման նպատակը այդ ծրագրերի ներկայացումն էր և դրանց արդյունավետ իրականացման համար համագործակցության համաձայնության ձեռքբերումը:
 
Կարեն Զադոյանը ներկայացրեց, որ «Կառուցողական երկխոսության հանձնառություն» ծրագրի նպատակը ՔՀԿ-ների ազդեցության ուժեղացումն է փաստարկված հանրային քաղաքականությունների գործընթացի վրա, ինչպեսև դրանց կարողությունների ուժեղացումը կոալիցիաների կառուցման գործում և քաղաքականությունների շուրջ կառուցողական ու ռազմավարական փոխգործակցությունը կենտրոնական իշխանությունների և տեղական ինքնակառավարման մարմինների գործընկերների հետ:
 
Այնուհետև արդարադատության ոլորտում իրականացվող «Քայլ դեպի արդար Հայաստան» ծրագրի ղեկավար Արտակ Կիրակոսյանը ներկայացրեց, որ այս ծրագիրն իրականացնում է «Ազակցություն պրոբացիային» ազգային ցանցը (բաղկացած երևանյան և մարզային 4 ՀԿ-ներից) և թիրախային ոլորտներում ՔՀԿ-ների ինստիտուցիանալիզացված մասնակցությամբ իրականացվող մշտադիտարկման և գնահատման համընդհանուր մոդելի մշակումը, պրոբացիայի տարածքային բաժինների, դատավորների ու կենտրոնական պետական մարմինների հետ քաղաքականությունների մշակման գործընթացում կառուցողական և ռազմավարական փոխգործակցության զարգացումը,  պրոբացիայի և վաղաժամկետ ազատման ոլորտներում խնդիրների հատկորոշումը և համապատասխան քաղաքականությունների մշակումը:
 
Մարդու իրավունքների ոլորտում իրականացվող «Մարդու իրավունքներ, մշտադիտարկում և հրապարակայնություն» ծրագրի ղեկավար Ժաննա Ալեքսանյանը նշեց, որ այս ծրագրով իրենց առաջև նպատակ են դրել նպաստել մարդու իրավունքների պաշտպանվածությանը երեք ուղղությունյամբ՝ իրավապաշտպանների նկատմամբ սպառնալիքների նվազեցում, հաշմանդամություն ունեցող անձանց իրավունքների պաշտպանություն (մշակվելու է հաշմանդամություն ունեցող անձանց մատուցվող ծառայությունների մշտադիտարկման գործիք), փակ հաստատություններում գտնվող անձանց՝ զինծառայողների և ազատազրկվածների իրավունքների պաշտպանություն, խոշտանգումների բացառում:
 
Արտակ Զեյնալյանը ողջունեց նման ծրագրերի իրականացումը և հայտնեց, որ արդարադատության նախարարությունը մեծապես գնահատում է քաղհասարակության ռեսուրսները և պատրասկամ է համագործակցել: 
 
 «Կառուցողական երկխոսության հանձնառություն»  ծրագիրն իրականացվում է ԵՄ ֆինանսավորմամբ՝ «Իրավաբանների հայկական ասոցիացիա» ՀԿ-ի կողմից գործընկերներ «Ագորա Սենթրլ Յուրոփ» ՀԿ-ի (Չեխիա), «Ժողովրդավարական կրթության հայկական կենտրոն-ՍԻՎԻՏԱՍ» ՀԿ-ի, «Մարդկային զարգացման միջազգային կենտրոն» ՀԿ-ի, «ՓՄՁ համագործակցության ասոցիացիա» ՀԿ-ի և «Հայաստանի համայնքների միություն» իրավաբանական անձանց միության հետ համագործակցությամբ: 
 
Ծրագրի նպատակն է մեծացնել քաղաքացիական հասարակության կազմակերպությունների (ՔՀԿ) և դրանց կոալիցիաների/ցանցերի ազդեցությունը հանրային քաղաքականության մշակման գործընթացի վրա։  Սա հնարավորություն կտա կազմակերպություններին (ովքեր արդեն իսկ աշխատում են թիրախային կոալիցիաներում) ձեռք բերել նոր ռեսուրսներ, քաղհասարակության փորձագետներին  միավորել և խրախուսել իրենց մասնակցությունը տեղական և ազգային քաղաքականությունների օրակարգի ձևավորմանը, հատկորոշել ընդհանուր խնդիրներն ու առաջնահերթությունները և դիմել կառավարությանը՝  կառուցողական և ռազմավարական քաղաքականության վերաբերյալ նախաձեռնություններով։
 
Ծրագրի շրջանակներում ենթադրամաշնորհներ կտրամադրվեն ՔՀԿ-ներին և ՔՀԿ-ների կոալիցիաներին, որոնք կուղղվեն հանրային քաղաքականությունների զարգացմանն ու կունենան շոշափելի արդյունքներ 9 թիրախային ոլորտում, որոնք են արդարադատությունը, մարդու իրավունքները, հանրային ֆինանսների կառավարումը, բիզնեսը, կրթությունը, սոցիալական ոլորտը. հաշմանդամություն ունեցող երեխաների սոցիալական ներառում, գյուղատնտեսությունը, տնտեսությունը, էներգետիկան:
 
Իրավաբանների հայկական ասոցիացիան (ԻՀԱ) ստեղծվել է 1995թ.-ին: ԻՀԱ-ի առաքելությունն է նպաստել Հայաստանում իրավունքի գերակայության, ժողովրդավարության և քաղաքացիական հասարակության կայացմանը, որտեղ բնակչությունն իրազեկ է, իսկ նրա իրավունքները՝ պաշտպանված: Մինչև 2016 թ. փետրվար ամիսը ԻՀԱ-ի անվանումն էր Հայասատանի երիտասարդ իրավաբանների ասոցիացիա: 
Նոյյան տապան   -   Մամլո հաղորդագրություն
Լուրեր Հայաստանից եւ Սփյուռքից

Կարդացել են 812 անգամ



Բաժանորդագրվեք «Նոյյան Տապան»-ի մեր էջերին
«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար
 
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար