Անհրաժեշտ ենք համարում, որ Ազգային ժողովը սեպտեմբերի 6-ին կայանալիք նստաշրջանում մեկ րոպե լռությամբ հարգեն տասնյակ հազարավոր զոհված մեր նախնիների հիշատակը

ԲԱՑ ՀԱՅՏԱՐԱՐՈՒԹՅՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱԶԳԱՅԻՆ ԺՈՂՈՎԻՆ

04-09-2018 14:19:10   | Ռուսաստան  |  Հասարակություն

Այս տարի լրանում է 100-րդ տարելիցը Բաքվի հայերի ջարդերի Ադրբեջանի և Թուրքիայի ցեղասպանական տանդեմով, որը տեղի ունեցավ 1918 թ. սեպտեմբերին: Սպանդը եղավ ոչ միայն Բաքվում, թուրքական գեներալ Նուրի փաշայի զորքերը շարժվեցին դեպի Բաքու,ավերելով ճանապարհին տասնյակ հայաբնակ գյուղեր և սպանելով հազարավոր խաղաղ հայ բնակիչների:

Անհրաժեշտ ենք համարում, որ Հայաստանի Հանրապետոււթյան Ազգային ժողովի անդամները սեպտեմբերի 6-ին կայանալիք նստաշրջանում մեկ րոպե լռությամբ հարգեն տասնյակ հազարավոր զոհված մեր նախնիների հիշատակը: Կոչ ենք անում պատգամավորներին քննարկել այս առաջարկությունը մշտական հանձնաժողովների՝ սեպտեմբերի 4 և 5-ի նստաշրջաններում:

Սույն թվականի փետրվարի 28-ին նստաշրջանի սկզբում Խորհրդարանի նախագահ պարոն Արա Բաբլոյանը հիշեցրեց ներկաներին Սումգայիթի ջարդերի 30-րդ տարելիցի մասին (տեսանյութ 10:30-ից  https://www.youtube.com/watch?v=a7nTDKI_vOI&t=630s, լռության րոպե 11:48-ից): Սակայն Ազգային ժողովի նախագահ Արա Բաբլոյանը փետրվարյան իր խոսքը ձևակերպեց ոչ ճիշտ, ցեղասպանության փոխարեն ասելով, որ Սումգայիթում հայերի ջարդ է եղել՝ նրանց վախեցնելու նպատակով:

Ուշադրության ենք հրավիրում այս սկզբունքային կարևոր փաստի ճիշտ որակավորմանը, որը ներկայացվել է փետրվարի 22-ին: Արդյունքում՝ ընդունվել է սխալ ձևակերպված բանաձև, քանզի կան անհերքելի փաստեր, որ սկսած 1918-ի սկզբնից մինչև 20-րդ դարի վերջը Ադրբեջանը պետական մակարդակով  վարում էր հայ բնաչության ցեղասպանություն ինչպես 1918-ի սեպտեմբերին Բաքվում, 1920-ի մարտին Շուշիում, 1988-ի փետրվարին Սումգաիթում, այնպես էլ 1990-ի հոնվարին վերստին Բաքվում և այլն…

Տեղեկացնումենք, որ երեք օր՝ սեպտեմբերի 14-ից 17-ը, Երևանում և Ստեփանակերտում այս թեմայով տեղի կունենա առաջին միջազգային գիտաժողովը https://aga-tribunal.info/hy/ru-sept-14-15-2018_arm/  Մենք կոչ ենք անում յուրաքանչյուր խմբակցության ապահովել իրենց ներկայացուցչի մասնակցությունը գիտաժողովին ու նաև հրապարակավ արտահայտել իրենց դիրքորոշումը թեմայի շուրջ: Ադրբեջանի վարած ցեղասպան քաղաքականության և ցեղասպանական ակտերի իրավական ճանաչումը այս 100-րդ տարելիցին պետք է լինի Հայաստանի Հանրապետության Ազգային ժողովի պարտքը Հիշատակի, Խղճի և Ճշմարտության առջև:

 

Հարգանքով,

Վահան Բաբախանյան

«Ադրբեջանում հայերի Ցեղասպանության իրավական ճանաչման Երևանյան խմբի» պատասխանատու

Սանկտ Պետերբուրգ

Սեպտեմբերի 3, 2018 թ.

 

 


Նոյյան տապան   -   Հասարակություն
Լուրեր Հայաստանից եւ Սփյուռքից

Կարդացել են 685 անգամ



Բաժանորդագրվեք «Նոյյան Տապան»-ի մեր էջերին
«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար
 
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար