Ոստիկանությունը բերման է ենթարկել Սամվել Ալեքսանյանի թիկնազորին. «Ազատություն»

12-09-2018 18:31:17   | Հայաստան  |  Մամուլի տեսություն
Ոստիկանությունը բերման է ենթարկել գործարար - պատգամավոր Սամվել Ալեքսանյանի թիկնազորին: Այս տեղեկությունը «Ազատության» հետ զրույցում հաստատեցին ոստիկանությունից՝ նշելով, որ այսօր Լեոյի փողոցից 5 անձ է բերման ենթարկվել ոստիկանություն: Նրանց մոտ եղել են զենքեր, այժմ ստուգվում է զենքերի օրինականությունը, ճշտվում են հանգամանքները:
 


Ավելի վաղ այսօր պատգամավոր Սամվել Ալեքսանյանը վստահեցրել էր, որ ոչ օլիգարխ է, ոչ էլ թիկնազոր ունի:
 
Իսկ ինչ վերաբերում է մամուլում տարածված տեղեկություններին, թե երեկ բերման են ենթարկվել նաև գործարար Խաչատուր Սուքիասյանի թիկնազորի անդամները, ոստիկանությունից հաստատեցին՝ այո՛, բերման են ենթարկվել, բայց ազատ են արձակվել, քանի որ նրանց մոտ զենք չի հայտնաբերվել:
 
Երեկ ԱԱԾ և ՀՔԾ պետերի՝ «Մարտի 1»-ի գործին առնչվող հեռախոսազրույցի աղմկահարույց ձայնագրության հրապարակումից ու տարածումից հետո «Իմ քայլը» դաշինքի քարոզարշավին վարչապետ Նիկոլ Փաշինյանը տեղի ունեցածը որակեց «դավադրություն և Հայաստանի Հանրապետության պետականության նկատմամբ հանցագործություն», ապա հանձնարարեց Ազգային անվտանգության ծառայությանն ու Ոստիկանությանը «երկու ժամվա ընթացքում կարգուկանոն հաստատել ամբողջ հանրապետության տարածքում»:
 
 
 
 
Նոյյան տապան   -   Մամուլի տեսություն
Լուրեր Հայաստանից եւ Սփյուռքից

Կարդացել են 1025 անգամ



Բաժանորդագրվեք «Նոյյան Տապան»-ի մեր էջերին
«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար
 
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար