Արթուր Գրիգորյանը Մոսկվայում մասնակցել է ԵԱՏՄ անդամ-պետությունների էներգետիկայի բնագավառի լիազոր մարմինների ղեկավարների խորհրդակցությանը

20-09-2018 18:26:51   | Ռուսաստան  |  Տնտեսություն
 

 
ՀՀ էներգետիկ ենթակառուցվածքների և բնական պաշարների նախարար Արթուր Գրիգորյանը սեպտեմբերի 19-ին Ռուսաստանի Դաշնության մայրաքաղաք Մոսկվայում մասնակցել է Եվրասիական տնտեսական միության (ԵԱՏՄ) անդամ-պետությունների էներգետիկայի բնագավառի լիազոր մարմինների ղեկավարների խորհրդակցությանը:
 
Քննարկվել է ԵԱՏՄ միասնական էլեկտրաէներգետիկական շուկայի մասին համաձայնագիրը և, այդ համատեքստում, ԵԱՏՄ շրջանակում գազի ընդհանուր շուկայի ձևավորման, գազի փոխադրման ծառայությունների գնագոյացման միասնական մեթոդոլոգիան: 
Հանդիպման ընթացքում ընդգծվել  է, որ ԵԱՏՄ գազի ընդհանուր շուկայի ձևավորման վերաբերյալ նախատեսվող միջազգային պայմանագիրը պետք է մշակվի ու կնքվի մինչև 2025 թվականի հունվարի 1-ը և համահունչ լինի ԵԱՏՄ պայմանագրի հիմնարար սկզբունքներին: 
Լիազոր մարմինների ղեկավարները պայմանավորվածություն են ձեռք բերել աշխատանքային համապատասխան խմբերի միջոցով շարունակելու և վերջնական տեսքի բերելու գազի ընդհանուր շուկայի ձևավորման համար անհրաժեշտ իրավական ակտերի մշակումը: 
ԵԱՏՄ շրջանակում գազի ընդհանուր շուկայի ստեղծումը կապահովի բարենպաստ և փոխշահավետ պայմաններ գազի առևտրի, էներգետիկ անվտանգության մակարդակի բարձրացման, մրցունակության ապահովման և տնտեսության ինտեգրման համար:  
 
 
 
 
 
Տեղեկատվության և  հասարակայնության  հետ  կապերի   բաժին
 
Նոյյան տապան   -   Տնտեսություն
Լուրեր Հայաստանից եւ Սփյուռքից

Կարդացել են 753 անգամ



Բաժանորդագրվեք «Նոյյան Տապան»-ի մեր էջերին
«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար
 
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար