Նախարարի պաշտոնակատար Հակոբ Արշակյանը ընդունել է ԱԶԲ Հայաստանի գրասենյակի ղեկավար Շեյն Ռոզենթալին

17-10-2018 17:55:57   | Հայաստան  |  Մամլո հաղորդագրություն
 


ՀՀ տրանսպորտի, կապի և տեղեկատվական տեխնոլոգիաների նախարարի պաշտոնակատար Հակոբ Արշակյանը հոկտեմբերի 17-ին ընդունել է Ասիական զարգացման բանկի (ԱԶԲ) Հայաստանի գրասենյակի ղեկավար Շեյն Ռոզենթալին։
 
Ողջունելով ԱԶԲ պաշտոնյային՝ Հակոբ Արշակյանը կարևորել է նախարարության գործունեության շրջանակներում բանկի օժանդակությամբ իրականացվող համատեղ ծրագրերը։
 
Շեյն Ռոզենթալը ներկայացրել է Հայաստանում ԱԶԲ-ի գործունեության ընթացքում կատարված աշխատանքները՝ դրանցում առանձնացնելով հատկապես ճանապարհաշինական, ենթակառուցվածքային ծրագրերը, ընդգծելով դրանց կարևորությունը երկրի տնտեսության զարգացման համար։
 
Հանդիպման ընթացքում քննարկվել են «Հյուսիս-հարավ ճանապարհային միջանցքի ներդրումային ծրագրին», Վանաձոր-Ալավերդի-Վրաստանի սահման միջպետական (Մ-6) մայրուղու հիմնանորոգման ընթացքին վերաբերող մի շարք հարցեր։
 
Հակոբ Արշակյանն ընդգծել է ճանապարհաշինական  ծրագրերում բարձր որակ ապահովելու և նախանշված ժամկետները պահպանելու կարևորությունը։
 
Անդրադարձ է եղել նաև հեռանկարային ծրագրերին, մասնավորապես, տրանսպորտային համակարգերի, հեռահաղորդակցության, բարձր տեխնոլոգիաների ոլորտներում համագործակցության հնարավորություններին։
 
ՀՀ տրանսպորտի, կապի և տեղեկատվական
տեխնոլոգիաների նախարարության լրատվական ծառայություն
Նոյյան տապան   -   Մամլո հաղորդագրություն
Լուրեր Հայաստանից եւ Սփյուռքից

Կարդացել են 515 անգամ



Բաժանորդագրվեք «Նոյյան Տապան»-ի մեր էջերին
«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար
 
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար