Միջ-եկեղեցական եւ միջ-կրոնական հանձնախմբի ժողով Անթիլիասի մայրավանքեն ներս

25-03-2019 09:57:05   | Լիբանան  |  Մամլո հաղորդագրություն
 Մարտ 2019-ին, Անթիլիասի Մայրավանքէն ներս, Ն.Ս.Օ.Տ.Տ. Արամ Ա. Վեհափառ Հայրապետին նախագահութեամբ եւ ներկայութեամբ, տեղի ունեցաւ Մեծի Տանն Կիլիկիոյ Կաթողիկոսութեան միջ-եկեղեցական ու միջ-կրօնական նորակազմ յանձնախումբին աշխատանքային հանդիպումը:
 


Ժողովական աշխատանքներուն ատենապետեց Թեհրանի հայոց թեմի առաջնորդ Գերշ.
Տ. Սեպուհ Արք. Սարգիսեան, իսկ ատենադպիրի պաշտօնը վարեց Կաթողիկոսարանի միջ-եկեղեցական յարաբերութեանց վարիչ Հոգշ. Տ. Հրանդ Վրդ. Թահանեան:
 
Վեհափառ Հայրապետը ընդհանուր գիծերով պարզեց միջ-եկեղեցական ու միջ-կրօնական մարզերէն ներս տեղի ունեցած վերջին զարգացումները եւ մատնանշեց Մեծի Տանն Կիլիկիոյ Կաթողիկոսութեան կատարած աշխատանքները։
 
Առաջին հերթին, յաջորդաբար քննարկումի նիւթ դարձան եկեղեցական խորհուրդներու մեր Ս. Աթոռին մասնակցութիւնը եւ ապա աստուածաբանական երկխօսութիւններու պարզած ներկայ վիճակը: Ինչ կը վերաբերի
միջ-կրօնական բնագաւառին, ժողովի ընթացքին յատուկ ուշադրութեան առարկայ դարձաւ քրիստոնեայ-իսլամ երկխօսութիւնն ու յարաբերութունը եւ այս ծիրէն ներս մեր Ս. Աթոռին բերած մասնակցութիւնը՝ շրջանային թէ միջազգային մակարդակներու վրայ։ Ներկաներուն կողմէ տրուեցան զեկոյցներ քննարկուած նիւթերուն գծով։
 
Աւելի քան երեք ժամ տեւած հադիպման աւարտին, Նորին Սրբութիւնը իր գնահատանքը յայտնեց վերոյիշեալ մարզերէն ներս կատարուած աշխատանքներուն եւ յատուկ կերպով ընդգծեց միջ-եկեղեցական յարաբերութեանց կարեւորութիւն տալու հրամայականը, հակառակ այն իրողութեան, որ ան սկսած է որոշ նահանջ արձանագրել: Հայրապետը յատկապէս ընդծգեց քրիստոնեայ-իսլամ յարաբերութեանց առաջնահերթութիւն տալու անհրաժեշտութիւնը, նկատի ունենալով ներկայ ժամանակներու պատահած վտանգալից դէպքերը, փաստօրէն բոլոր ընկերութեանց կեանքէն ներս:
 
Յայտնենք, որ յանձնախումբին մաս կը կազմեն հետեւեալ անդամները.- Գերշ. Տ. Սեպուհ Արք. Սարգիսեան, Գերշ. Տ. Գեղամ Արք. Խաչերեան, Գերշ. Տ. Նարեկ Արք. Ալեէմէզեան, Գերշ. Տ. Անուշաւան Արք. Դանիէլեան, Հոգշ. Տ. Հրանդ Վրդ. Թահանեան, Հոգշ. Տ. Պօղոս Վրդ. Թինքճեան, Հոգշ. Տ. Պետրոս Վրդ. Մանուէլեան, Տիկին Թենի Սիմոնեան, Դոկտ. Նորա Պայրագտարեան, Տիկին Սեդա Խտըշեան, Տիկին Գարլա Խիժոյեան, Դոկտ. Ժան Սալմանեան, Տիար Գէորգ Յակոբճեան եւ Տիար Կարէն Եոսուլքանեան։
 
Նոյյան տապան   -   Մամլո հաղորդագրություն
Լուրեր Հայաստանից եւ Սփյուռքից

Կարդացել են 294 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար