Ucom-ը կրկնապատկել է «uԿանխավճարային» ծառայությամբ տրամադրվող ինտերնետի ծավալը

16-04-2019 16:41:06   | Հայաստան  |  Կազմակերպություններ
Ucom ընկերությունը վերանայել ու կրկնապատկել է «uԿանխավճարային» ծառայությամբ տրամադրվող ինտերնետի ծավալը։ Այսուհետ u1000, u1500, u2000 և u3000 կանխավճարային սակագնային պլանների նոր և առկա բաժանորդներն ի լրումն Ucom շարժական կապի բոլոր բաժանորդներին անսահմանափակ զանգելու հնարավորությանը կունենան նաև գիգաբայթերի կրկնապատկված ծավալ՝ առցանց հավելվածներից օգտվելու և աշխարհի անցուդարձից տեղեկացված լինելու համար։
 


Մասնավորապես u1000 սակագնային պլանի բաժանորդները կստանան 2 ԳԲ շարժական ինտերնետ նախկին 1 ԳԲ փոխարեն, իսկ u1500-ից օգտվողները՝ 3 ԳԲ նախկին 1,5 ԳԲ-ի փոխարեն։ u2000 կանխավճարային սակագնային պլանի բաժանորդները կստանան 4 ԳԲ ինտերնետ նախկին 2 ԳԲ փոխարեն և, ինչպես միշտ, 150 րոպե տեղական բոլոր ցանցեր
ու Արցախ զանգելու համար։ u3000-ից օգտվողները կվայելեն 6 ԳԲ ծավալով ինտերնետը նախկին 3 ԳԲ փոխարեն ու կստանան 200 րոպե տեղական բոլոր ցանցեր ու Արցախ զանգելու համար։
 
«Կանխավճարային սակագնային պլանների բաժանորդները շարժական կապի հայկական շուկայում լրջագույն սեգմենտ են։ Այսօր, երբ աշխարհն անցել է առցանց հաղորդակցմանը, մենք, որպես բաժանորդամետ հայկական ընկերություն, պարտավոր ենք վերանայել մեր բաժանորդներին տրամադրվող ինտերնետի ծավալը և առաջարկել լուծում՝ գին-որակ լավագույն համադրությամբ», - նշել է Ucom ընկերության համահիմանդիր և գլխավոր տնօրեն Հայկ Եսայանը։
 
Հավելենք, որ uԿանխավճարային ծառայության յուրաքանչյուր սակագնային պլանի ներառումները վավեր են 30 օրվա ընթացքում։ Դրանք ամեն անգամ ավտոմատ կվերաակտիվանան 30 օրն ավարտվելուց հետո՝ բաժանորդի հաշվից գանձվող համապատասխան գումարի դիմաց։
 
Նոյյան տապան   -   Կազմակերպություններ
Լուրեր Հայաստանից եւ Սփյուռքից

Կարդացել են 317 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար