«Ժառանգությունը» հավաստում է իր հավատարմությունը նորհայաստանյան պետության գաղափարաբանությանը

23-04-2019 11:51:43   | Հայաստան  |  Մամլո հաղորդագրություն
2018թ. ապրիլ 23-ը մեր նորօրյա ժամանակագրության կարեւորագույն հանգրվաններից է: Հարյուր հազարավոր արժանապատիվ հայեր միակամ «ոչ» ասացին հանցավոր իշխանության վերարտադրության բոլոր փորձերին, ինչը դարձավ խաղաղ ընդվզման միջոցով Նոր Հայաստանի կերտման դժվարին շրջափուլ, որի հիմքում ժողովրդի հավաքական կամքի առջեւ իշխող խմբավորումների անզորությունն էր:
 


 
Ժողովրդի կողմից մերժված իշխանության հիմնական թեւ
երի խաղաղ ճանապարհով հեռացումը «Ժառանգություն» կուսակցությունը համարում է մեր պետականության պատմության վճռորոշ հանգրվան: Հայաստանում իրավիճակ փոխվեց, որի շնորհիվ հայ ժողովուրդը Հայաստանում, Արցախում եւ ի Սփյուռս աշխարհի հնարավություն է ստացել կերտելու իսկապես Նոր Հայաստան, որը դեռ ապագայի տեսլական է, այդ նպատակի հիմնական դրույթների իրականացմանը պետք է միտված լինի ներկայիս իշխանության բոլոր թեւերի եւ քաղաքացիական հանրության գործունեությունը:
 
Մեր նպատակներն են՝
 
Ա. Հայաստանի քաղաքացիների շահերի իրավական պաշտպանությունը, հասարակական ու քաղաքական  ժողովրդավարական ինստիտուտների կայացումը:
 
Բ. Հայաստանի եւ Արցախի պետական անվտանգության հետագա ապահովումը:
 
Գ Քաղաքացիների առջեւ նոր իշխանության ստանձնած սոցիալական, տնտեսական եւ քաղաքական պարտավորությունների անխոս կյանքի կոչումը, կորսված արդարության հաստատումը:
 
«Ժառանգությունը» փաստում է, որ հեղափոխական շրջադարձից հետո անցած մեկ տարին բավարար էր երկրում առկա խնդիրները համակարգելու եւ լուծման ռազմավարությունը մշակելու համար: Սակայն իշխող քաղաքական ուժի վերջին գորոծողությունները թյուրըմբռնումների տեղիք են տալիս: Համաժողովրդական շարժման իրական արժեքների ձեւի ու բովանդակության շեղումները տագնապալի ենք համարում: Համոզված ենք, որ դեռ չեն կատարվել անուղղելի եւ համակարգային սխալներ, ուստի ժամանակն է հասարակական եւ քաղաքական համերաշխության մթնոլորտում լսելու միմյանց ձայնը եւ համագործակցային միջավայրում շտկելու բացթողումները, ըմբռնելու համակարգային վերլուծություններն ու առաջարկները:
 
Երկրի կառավարման ղեկը ստանձնած քաղաքական ուժը կարող է շարժման արժեքները կյանքի կոչել՝ ձերբազատվելով անսխալականությունից եւ հասարակական, քաղաքական ուժերի հանդեպ իր ունեցած անվստահության կանխակալ վերաբերմունքը հաղթահարելով միայն: Այլապես ստիպված ենք լինելու արձանագրել, որ Հայաստանում  հակահեղափոխականը այսուհետ
համաժողովրդական շարժման արդյուքնում իշխանություն դարձած քաղաքական ուժն է լինելու՝ համաժողովրդական շարժման արժեքների կյանքի կոչման ու տապալման համակարգում:
 
«Ժառանգությունը» մի անգամ եւս հավաստում է իր հավատարմությունը նորհայաստանյան պետության գաղափարաբանությանը, հանուն որի կայացման  շարունակելու ենք մեր գործունեությունը՝ ազատ, անվտանգ միջավայր, ստեղծարար քաղաքացի, հզոր պետականություն կայացնելու  դժվարին աշխատանքը:
 
«Ժառանգություն» կուսակցության վարչություն
Նոյյան տապան   -   Մամլո հաղորդագրություն
Լուրեր Հայաստանից եւ Սփյուռքից

Կարդացել են 264 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար