Վեթինգն իրականացվելու է առանց խտրականության. որևէ գործով որևէ դատավոր չի թիրախավորվելու. Արտակ Զեյնալյան (ՏԵՍԱՆՅՈՒԹ)



21-05-2019 18:27:55   | Հայաստան  |  Հասարակություն
 


Վեթինգն իրականացվելու է
առանց խտրականության. որևէ գործով որևէ դատավոր չի թիրախավորվելու: 
 
Այս մասին մայիսի 21-ին լրագրողների հետ ճեպազրույցում նշեց ՀՀ արդարադատության նախարար Արտակ Զեյնալյանը: 
 
Ըստ նրա՝ դատական համակարգում կուտակվել են բազմաթիվ խնդիրներ, որոնք անհրաժեշտ է շուտափույթ լուծել: 
 
«Վեթինգն առաջին անգամ չէ որ կիրառվում է աշխարհում: Այս պահին այն կիրառվում է Ալբանիայում եվրոպական կառույցների հորդորով: Այս պահի դրությամբ ես բովանդակության մասին միայն կխոսեմ, իսկ ձևին չեմ անդրադառնա, որովհետև դրանք մշակվելու են»,- նշեց Ա. Զեյնալյանը: 
 
Նրա խոսքերով՝ խտրականության արգելքի սկզբունքը պահպանվելու է բոլոր դատավորների նկատմամբ: 
 
Պատասխանելով լրագրողի այն հարցին, թե որքանով էր իրավաչափ վարչապետ Նիկոլ Փաշինյանի՝ դատարաններն արգելափակելու քաղաքացիներին ուղղված կոչը՝ նախարարն ասաց, որ չի շտապում այդ հարցին գնահատական տալ: 
 
Ա. Զեյնալյանի գնահատմամբ՝ ոչ օբյեկտիվ և անաչառ դատավորներին ինքնակամ հեռանալու վարչապետի մյուս կոչը քաղաքական ուղերձ էր: 
 
Նա չբացառեց, որ կարող են գտնվել այնպիսի դատավորներ, որոնք ինքնակամ հրաժարական կտան: 
 
 
 
 
 
Մանրամասները՝ տեսանյութում
Էլիզա Զախարյան, «Նոյյան Տապան» 
Նոյյան տապան   -   Հասարակություն
Լուրեր Հայաստանից եւ Սփյուռքից

Կարդացել են 909 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար