Ապամոնտաժվում են կամուրջների, վերգետնյա անցումների և ուղեանցերի անօրինական գովազդները

18-06-2019 11:08:08   | Հայաստան  |  Հասարակություն
 


 
Երև
անի քաղաքապետարանի նախաձեռնությամբ ապամոնտաժվում են վերգետնյա և ստորգետնյա անցումների, ինչպես նաև կամուրջների և ուղեանցների (թունելների) ճակատային հատվածներում տեղադրված անօրինական գովազդները: 
 
«Ապամոնտաժվող գովազդային միջոցները տեղադրված էին Երևան համայնքի սեփականություն համարվող գույքային միավորների վրա, որոնք օգտագործելու առումով առկա չէ իրավահաստատող որևէ փաստաթուղթ: Նման դեպքերն անթույլատրելի են, և Երևանի քաղաքապետարանը իր ողջ ներուժը կօգտագործի նմանօրինակ դեպքերը բացառելու համար»,-նշում է արտաքին ձևավորման և գովազդի վարչության պետ Գարիկ Խաչատրյանը:
 
Գույքագրված թվով 13 գովազդային պաստառներից 7-ն արդեն ապամոնտաժվել են: Առաջիկա օրերին կապամոնտաժվեն նաև մյուս գովազդները: 
«Գործող օրենսդրությունը նախատեսում է, որ համայնքային սեփականություն հանդիսացող գույքային միավորները տրամադրվում են մրցութային կարգով: Ցանկանում եմ խնդրել և հորդորել մեր սիրելի քաղաքացիներին՝ խուսափել անօրինություններից»,-ընդգծում է Գարիկ Խաչատրյանը:
 
Մրցութային կարգը սահմանում է այն չափորոշիչները, թե քաղաքի որ հատվածում և ինչ տեսակի գովազդային վահանակ կարող է տեղադրված լինել: Այդկերպ նաև տնտեսվարողների համար ստեղծվում են հավասար պայմաններ և հնարավորություններ:
Քաղաքապետարանի արտաքին ձևավորման և գովազդի վարչությունը գույքագրում է նաև օրենսդրությանը չհամապատասխանող այլ գովազդները:
 
Նոյյան տապան   -   Հասարակություն
Լուրեր Հայաստանից եւ Սփյուռքից

Կարդացել են 388 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար