Մասնագետները հերքում են վարակված ծիրանի բերքի առկայության մասին լուրերը. «Արմենպրես»

18-06-2019 19:00:02   | Հայաստան  |  Ի՞նչ է գրում մամուլը
Հայաստանի Հանրապետությունում սնկային հիվանդություններով վարակված ծիրանի բերք չկա: «Արմենպրես»-ի փոխանցմամբ՝ այս մասին հայտնում են ոլորտի մասնագետները:
 


ՀՀ էկոնոմիկայի նախարարության գյուղատնտեսության խորհրդատվության վարչության մասնագետ Սիմոն Ասատրյանի խոսքով՝ այս հարցով խուճապի մատնվելու խնդիր չկա:
 
«Այն ֆերմերը, որը հետևել է մասնագետների խորհրդին, այն ֆերմերը, որը հիվանդությունների և վնասատուների դեմ աշխատանքները կատարել է ճիշտ ժամանակին, նրա բերքը բարձր որակի է»,-
ասաց Ասատրյանը:
 
Գյուղատնտես, բույսերի պաշտպան Կարեն Գաբրիելյանի խոսքով՝ սպառողները նույնպես կարող են չանհանգստանալ, որովհետև վարակված բերքը շուկայում չի հայտնվի:
 
«Եթե խնդիր լինի, այդ ապրանքը շուկա չի հասնի: Սպառողը այդպիսի ապրանք գնելու կարիք չի զգա»,- նշեց Գաբրիելյանը:
 
Ֆերմերներին անվճար խորհրդատվություն տրամադրող «ՇԵՆ» բարեգործական հասարակական կազմակերպության ծրագրերի համակարգող Նվարդ Շահմուրադյանը նշեց, որ ծիրանի արտահանման հետ կապված ևս խնդիրներ չեն առաջանա:
 
«Որակի առումով ևս խնդիր չենք ունենա արտահանման հետ կապված: Մենք նորից կարտահանենք որակյալ, համեղ և քաղցրահամ ծիրան»,- ասաց Շահմուրադյանը:
 
Վերջին օրերին տեղեկություններ են տարածվում, որ ծիրանի այգիներում անհայտ հիվանդություն է տարածվել, որը փչացնում է բերքը:
Նոյյան տապան   -   Ի՞նչ է գրում մամուլը
Լուրեր Հայաստանից եւ Սփյուռքից

Կարդացել են 662 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար