Ադրբեջանը ծրագրում է մեծ թվով զորավարժություններ անցկացնել Թուրքիայի հետ. Դավիթ Բաբայան. armlur.am

24-06-2019 16:08:16   | Հայաստան  |  Ի՞նչ է գրում մամուլը
armlur.am Ինչպես գիտենք` հունիսի 20-ին` Վաշինգտոնում, տեղի ունեցավ  Հայաստանի և Ադրբեջանի ԱԳ նախարարներ Զոհրաբ Մնացականյանի և Էլմար Մամեդյարովի հանդիպումը ԵԱՀԿ Մինսկի խմբի համանախագահների մասնակցությամբ։
 


ArmLur.am-ը հանդիպման սպասումների և հետևանքների շուրջ զրուցել է Արցախի Հանրապետության նախագահի մամուլի խոսնակ Դավիթ Բաբայանի հետ:
 
«Ցանկացած հանդիպում մեզ համար շատ կարևոր է, ինչո՞ւ,  որովհետև այդ հանդիպումները ապահովում են բանակցային գործընթացի երկխոսության շարունակականությունը և տարածաշրջանում խաղաղության պահպանումը,  և’ այդ մեսիջներից և’ առ հասարակ համանախագահների հայտարարության մեջ վառ երևում էր, որ հիմնական շեշտը շարունակվում է դրվել խաղաղության և կայունության պահպանման վրա, ինչը նշանակում է, որ Անդրկովկասում, որն ունի
կարևորագույն նշանակություն և’ տարածաշրջանային, և’ գլոբալ աշխարաքաղաքականության մեջ:  Ուժային կարևոր կենտրոնները շահագրգռված են խաղաղության և կայունության պահպանման համար»,- նշեց Դավիթ Բաբայանը:
 
Ինչ վերաբերում է բանակցային գործընթացի նոր մոտեցումների առաջխաղացման ճեղքմանը, Բաբայանն ասաց, որ վաղ է այս ամենի մեջ տեսականորեն լինել, քանի որ Ադրբեջանը շարունակում է իր ապակառուցողական քաղաքականությունը:
 
«Սպասումները, որոշ չափով արդարացան, որովհետև սա այն կարևոր իրադարձությունն էր , որ բարձրաձայնել ենք, մինչև հանդիպումը`  հասկանալով, որ կարևորագույն շեշտը շարունակում է դրվել խաղաղության պահպանման վրա»,- ասաց նա: Դավիթ Բաբայանի խոսքով` սահմանում համեմատաբար հանգիստ, վերահսկելի վիճակ է տիրում. «Բայց Ադրբեջանի բոլոր զորավարժություններն ուղղված են մեր դեմ,  և մենք չենք  կարող անտեսել , հատկապես, որ նրանք ծրագրավորում են տասնյակից ավելի  նոր զորավարժություններ Թուրքիայի հետ: Մենք սրան պետք է շատ լուրջ վերաբերվենք, և չի բացառվում, որ Թուրքիան իր ագրեսիվ  քաղաքականությունն  էլ ավելի ակտիվացնի, իսկապես հաշվի առնելով, որ գործող ռեժիմը  կորցնում է լեգիտիմությունն ու ժողովուրդի մեջ վստահությունը, որի վառ ապացույցն է Ստամբուլի քաղաքապետի կրկնակի ընտրությունները»:
 
Լիդա Եղիազարյան 
 
 
 
 
 
Նոյյան տապան   -   Ի՞նչ է գրում մամուլը
Լուրեր Հայաստանից եւ Սփյուռքից

Կարդացել են 347 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար