Աննա Վարդապետյան. «Ցանկացած բարեփոխում իրականացնելու ենք այն համատեքստում, որ քաղաքացին չզրկվի դատարան դիմելու իրավունքից»

25-06-2019 18:49:15   | Հայաստան  |  Մամլո հաղորդագրություն
 


 
Արդարադատության նախարարի տեղակալ Աննա Վարդապետյանի մասնակցությամբ այսօր տեղի է ունեցել  դատաիրավական համակարգի բարեփոխումներին և անցումային արդարադատության հեռանկարին առնչվող հանդիպում-քննարկում: Այն կազմակերպվել էր «Քաղաքական երկխոսություն» կազմակերպության կողմից «Ժողովրդավարության եվրոպական հիմնադրամի» աջակցությամբ:
 
Բացման խոսքում Աննա Վարդապետյանը ողջունել է քննարկման մասնակիցներին և ներկայացրել Նախարարության կողմից անցումային արդարադատության ուղղությամբ ձեռնարկվող կարճաժամկետ, միջնաժամկետ
և երկարաժամկետ ծրագրերը: «Մենք մեզ չենք կարող ճոխություն թույլ տալ և որոշակի ժամանակահատվածով կասեցնել դատական համակարգի գործունեությունը: Ցանկացած բարեփոխում իրականացնելու ենք այն համատեքստում, որ քաղաքացին չզրկվի դատարան դիմելու իրավունքից»,- նշել է փոխնախարարը:
 
Աննա Վարդապետյանը նաև հավելել է, որ անցումային արդարադատությունն ընթացակարգ է, մեխանիզմների ամբողջություն և ոչ թե ինստիտուտ, այն ժամանակավոր բնույթ է կրում: «Այս ամենն ինքնանպատակ չէ. մենք ունենք կարևոր խնդիր՝ ընտրել այն գործիքը, որը լավագույնս կօգնի «բուժել» այս իրավիճակը»,- ընդգծել է Աննա Վարդապետյանը՝ հորդորելով քննարկման մասնակիցներին մտքերի և տեսակետների առաջադրման ժամանակ առաջնորդվել այդ սկզբունքով, իսկ քննարկումների արդյունքում ձևավորված առաջարկները գրավոր ներկայացնել Արդարադատության նախարարություն:
Այնուհետև, հաջորդել է քննարկումը հանդիպման մասնակիցների միջև:  
 
 
   ՀՀ ԱՆ տեղեկատվության և հասարակայնության
 հետ կապերի վարչություն
 
Նոյյան տապան   -   Մամլո հաղորդագրություն
Լուրեր Հայաստանից եւ Սփյուռքից

Կարդացել են 486 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար