Լև Սարգսյան. Մեջքի վնասվածքով էի մասնակցում ԱԱ-ին

22-07-2019 18:14:29   | Կորեա  |  Սպորտ
Հարավային Կորեայի Գվանջու քաղաքում անցկացվող ջրային մարզաձևերի ԱԱ-ում հայ ջրացատկորդները ավարտել են իրենց ելույթները:
 


ՀԱՕԿ լրտվականի հետ զրույցում Լև
Սարգսյանը նշեց, որ  ԱԱ-ին մասնակցել է մեջքի վնասվածքով։
 
«Ելույթս կարող եմ երկակի մեկնաբանել. ԱԱ-ից մեկ շաբաթ առաջ Իտալիայում կայացած Ուսանողական խաղերի ժամանակ ինձ պատգարակի վրա հեռացրին մրցավայրից, քանի որ հերթական անգամ վնասեցի մեջքս: Շատ դժվար էր հավաքվել, քանի որ ապաքինման և վերականգնման ժամանակ չկար, պետք էր մարզվել մեջքի ցավերով»,- ասաց ջրացատկորդը։
 
Լև Սարգսյան-Վլադմիմիր Հարությունյան զույգը 10 մետր սինքրոն աշտարակացատկում նախ լավագույն 12-ի մեջ է մտել, ապա եզրափակչում զբաղեցրել է 9-րդ հորիզոնականը:
Նշենք, որ Հայաստանում չկան համապատասխան պայամաններ և հայ ջրացատկորդները սինքրոն ցատկերը փորձում և կատարում են արդեն մրցավայրում:
 
«Ինչ վերաբերում է սինքրոն ցատկերին, կարող եմ ասել, որ իմ այս վիճակում վատ չեմ ցատկել։ Մինչև օրս անգամ քայլելն է ցավոտ, բայց, եթե գլոբալ նայենք, իհարկե  ավելի բարձր արդյունքի էինք ձգտում: Մենք շատ հաճախ կատակում ենք, որ պայմաններ չունենք և սինքրոն ցատկերը կատարում ենք հենց մրցումային լողավազանում: Կամքի ուժը և առավելագույնը ցույց տալու ցանկությունը ստիպում են, որ այդ ամենը հենց մրցաշարի ժամանակ ցույց տանք, քանի դեռ մեր երկրում համապատասխան պայամաններ չկան։ Այս ամենը հեշտությամբ չի տրվում»,-նշեց Սարգսյանը։
 
«Ծանրաբեռնվածությունն էր շատ: Բայց դա կարևոր փորձ էր, քանի որ ՕլիմպիակաԱնհատական ցատկերի ժամանկ Լև Սարգսյանի մեջքի վնասվածքն ավելի է զգացնել տվել:ն խաղերի վարկանիշային մրցաշարը՝ Աշխարհի գավաթը, պետք է անցնի Ճապոնիայում և պետք էր հասկանալ մարզավիճակս մինչև այդ»:
 
Վերջում հայ ջրացատկորդը շեշտեց, որ հայ ազգի պատիվը միշտ փորձում են բարձր պահել.
 
«Բոլորս ցանկանում ենք՝ միջազգային ասպարեզներում մեր երկրի դրոշը բարձրանա և հիմնը հնչի։ Հայերը կարող են ոչ միայն մնացածից վատը չլինել, այլ լինել բոլորից լավը»,- խոսքը եզրափակեց Լև Սարգսյանը:
 
 
Նոյյան տապան   -   Սպորտ
Լուրեր Հայաստանից եւ Սփյուռքից

Կարդացել են 342 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար