«Հանրայինը զրո տոկոսով է ծառայում հանրությանը, նրան շեղում է կարևոր խնդիրներից». Տիգրան Պասկևիչյան. factor.am



23-07-2019 17:58:14   | Հայաստան  |  Մամլո հաղորդագրություն
factor.am Հանրային հեռուստաընկերությունը պետք է «հանրության» ռեսուրսն օգտագործելով իր վարկանիշը ձևավորի, ոչ թե դրա հետևից վազի: Հանրայինին հստակ քաղաքականություն է անհրաժեշտ, ինչը գրվեց, բայց թղթին մնաց: Այս մասին այսօր «Ծառայու՞մ է Հանրայինը հանրությանը» թեմայով քննարկման ընթացքում նշեց սցենարիստ, հրապարակախոս Տիգրան Պասկևիչյանը: Ըստ նրա՝ առաջին հերթին պետք է վերանայել Հանրայինի հաստիքացուցակը, բյուջեն, պայմանագրերը: «Պետք է հասկանալ՝ ով է թերագնահատված և ով՝ գերագնահատված: Իսկ այդպիսիք հաստատ կան: Հաստիքացուցակն ուռճացված է, իսկ աշխատատեղերն՝ անհամապատասխան»,- նշեց Պասկևիչյանը: Նրա խոսքով՝ Հանրայինին բովանդակություն է անհրաժեշտ: «Հայաստանում խոսքը և մամուլն ազատ են, սակայն բովանդակությունն ազատ չէ»,- նշեց հրապարակախոսը: Նա ընդգծեց նաև, որ իր կողմից մշակված քաղաքականության կետերից մեկն արբանյակային հեռարձակման պրակտիկայի ուսումնասիրությունն է և նոր ձևաչափի մշակումը: «Ստեղծվել է մի վիճակ, երբ սփյուռքը դատարկ հեռարձակում է ստանում: Հանրայինը մատուցում է նյութ, որի ոչ լեզուն, ոչ էլ թեման սփյուռքահայության համար հասկանալի չէ»,- ասաց Պասկևիչյանը: Համեմատելով ներկայիս իրավիճակը 90-ականների հետ, Պասկևիչյանը համոզմունք հայտնեց, որ այսօր ռեսուրսներն ավելի շատ են, Հանրայինն այսօր տեխնիկապես ավելի զարգացած է և շատ կարճ ժամանակի ընթացքում հնարավոր է արդյունավետ փոփոխություններ ունենալ: Տիգրան Պասկևիչյանը հավելեց, որ, իր կարծիքով, այսօր Հանրայինը զրո տոկոսով է ծառայում հանրությանը, ավելին՝ նրան շեղում է կարևոր խնդիրներից:
 


Մանրամասները՝ տեսանյութում:
Նելլի Մելքոնյան
 
 
 
 
 
 
 
 
 
տեսանյութում: Նելլի
Նոյյան տապան   -   Մամլո հաղորդագրություն
Լուրեր Հայաստանից եւ Սփյուռքից

Կարդացել են 473 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար