Ս. ԱՍՏՈՒԱԾԱԾԻՆ ՎԱՆՔԻ ՈՒԽՏ ՇԱԲԱԹԸ ԱՅՍ ՏԱՐԻ ԵՒՍ ՀԱՒԱՏԱՑԵԱԼՆԵՐՈՒ ՀՈԾ ԲԱԶՄՈՒԹԵԱՄԲ ՆՇՈՒԵՑԱՒ

16-08-2019 13:08:00   | Լիբանան  |  Մամլո հաղորդագրություն
Հովանաւորութեամբ Ն.Ս.Օ.Տ.Տ. Արամ Ա. Կաթողիկոսին եւ կազմակերպութեամբ Կաթողիկոսարանի Քրիստոնէական Դաստիրակութեան բաժանմունքին, 12-16 Օգոստոս 2019-ին Ս. Աստուածածին Վանքի ուխտի տօնին առիթով տեղի ունեցան Աստուածամօր նուիրուած հոգեպարար դասախօսութիւններու, խորհրդածութիւններու եւ աղօթասացութիւններու շարք մը, ինչպէս նաեւ օրական դրութեամբ մատուցուեցաւ Ս. եւ Անմահ Պատարագ։
 

Երկուշաբթի առաւօտուն ուխտաւորները հաղորդուեցան «Մարիամ Աստուածածնի Կուսութիւնը» նիւթով, որ ներկայացուց Հոգշ. Տ. Աշոտ Աբղ. Խաչատուրեան։ Երեկոյեան պատարագը մատուցեց Հոգշ. Տ. Օշին Աբղ. Չուալերթանեան, իսկ Գերշ. Մակար Եպս. Աշգարեան նախագահեց աղի օրհնութեան արարողութեան։
 
Երեքշաբթի առաւօտուն Հոգշ. Տ. Աւետիք Աբղ. Տէր Կարապետեան խօսեցաւ «Աստուածածինը Հին Կտակարանին Մէջ» նիւթը։ Հոգշ. Տ. Լեւոն Աբղ. Եղիայեան մատուցեց Պատարագը,
որուն աւարտին կատարուած խունկի օրհնութեան նախագահեց Հոգշ. Տ. Անանիա Ծ. Վրդ. Գուճանեան։ Այս պատարագին մասնակցեցան եւ Ս. Խորանին սպասարկեցին Ս. Վարդանանց եկեղեցւոյ ծխատէր քահանան եւ դպրաց դասը։
 
Չորեքշաբթի առաւօտուն «Աստուածածինը Նոր Կտակարանին Մէջ» նիւթը ներկայացուց եւ երեկոյեան պատարագը մատուցեց Հոգշ. Տ. Սարգիս Աբղ. Աբրահամեան՝ մասնակցութեամբ Ս. Աստուածածին եկեղեցւոյ ծխատէր քահանային եւ դպրաց դասին։ Պատարագի աւարտին կատարուած ջուրի օրհնութեան նախագահեց Հոգշ. Տ. Սմբատ Վրդ. Սապունճեան։
 
Հինգշաբթի առաւօտուն Հոգշ. Տ. Գէորգ Աբղ. Գարակէօզեան ուխտաւորներուն մանրամասնեց «Աստուածածինը Հայ Եկեղեցւոյ Ծէսին մէջ» նիւթը եւ երեկոյեան մատուցեց Պատարագը՝ Ս. Քառասնից Մանկանց եկեղեցւոյ ծխատէր քահանային եւ դպրաց դասին մասնակցութեամբ։ Հոգշ. Տ. Վիգէն Վրդ. Տալգլըճեան նախագահեց իւղի օրհնութեան արարողութեան։
 
 
Վերջապէս, Ուրբաթ առաւօտուն Հոգշ. Տ. Յակոբ Աբղ. Եագուպեան ներկայացուց «Աստուածածինը Շարակնոցին մէջ» նիւթը։
 
 
Թող Աստուածամայրը բոլորին ուխտը ի կատար ածէ։
 
 
Նոյյան տապան   -   Մամլո հաղորդագրություն
Լուրեր Հայաստանից եւ Սփյուռքից

Կարդացել են 398 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար