Դուրս եք եկել ռևանշի. հավանաբար թույլ ենք գտնվել ձեր նկատմամբ, հակառակ դեպքում մեզ դասեր տալու առիթ չէիք ունենա. Դավիթ Սանասարյան

16-08-2019 14:34:30   | Հայաստան  |  Հասարակություն
 


Պետական վերահսկողական ծառայության ղեկավար (լիազորություններն այս պահին ժամանակավորապես դադարեցված են) Դավիթ Սանասարյանն իր ֆեյսբուքյան էջում գրել է. 
 
«Մարդասպանը կարող է խոսել մարդասպանության վատ լինելու մասին, ջեբկիրը՝ ջեբկիրության, բռնաբարողը՝ մարդու իրավունքների, բայց այս ամենի համար մարդկության պատմության մեջ ձևավորել է գործուն զղջալու, մեղքը ընդունելու, պատիժը կրելու ինստիտուտները։
 
Մ՛ի մոռացեք
ինչ եք արել, մի՛ մոռացեք, ոնց եք խեղել, վրեժ լուծել, արտագաղթը խրախուսել, երկիրը թալանել, մարդկանց հանիրավի մեղադրել ու ազատազրկել, արտաքին հարաբերություններում՝ այլոց առաջ կորացել, մի մոռացեք, որ խրախճանքների ժամանակ խմել եք հդե պոստում եայրենիքի, պետության, բանակի կենացը, բայց հաջորդ հնարավորության դեպքում պետության, իր քաղաքացիների ու զինվորների կյանքն եք վտանգել, նրա ունեցածն եք յուրացրել։
 
Ազատ եք, խոսեք ինչից ուզում եք, բայց նախևառաջ հրապարակային ասեք ներողություն, թալանածը վերադարձրեք, ինքնակամ խոստովանեք ձեր գործած հանցանքները ու դրանից հետո կարող ենք ձևավորել ազգային համերաշխություն։ Փոխարենը դուրս եք եկել ռևանշի. հավանաբար թույլ ենք գտնվել ձեր նկատմամբ, հակառակ դեպքում մեզ դասեր տալու առիթ չէիք ունենա։
 
Սխալն ուղղելու ճամփան միշտ կա, կարևորը հայրենիքի ու նրա ժողովրդի նկատմամբ սերն անսպառ է...»: 
 
 
 
 
Նոյյան տապան   -   Հասարակություն
Լուրեր Հայաստանից եւ Սփյուռքից

Կարդացել են 9339 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար