Կայացել է լողափնյա վոլեյբոլի եզրափակիչ փուլը. մարզիկները տպավորված են

16-08-2019 16:55:06   | Հայաստան  |  Մամլո հաղորդագրություն
 


Համահայկական ամառային 7-րդ խաղերի շրջանակում ավարտվեց լողափնյա վոլեյբոլի աղջիկների եզրափակիչ խաղը։ Առաջին հորիզոնականը զբաղեցրին Դիանա Մելքումյանն ու Մերի Պողոսյանը, որոնք հանդես են գալիս ‹‹Երևան 1›› թիմում: Երկրորդ հորիզոնականում ‹‹Աշտարակ›› թիմիցՏաթևիկ Մարտիրոսյանն ու Շուշան Տիգրանյանն են, իսկ երրորդում՝ ‹‹Երևան 2›› թիմի Սվետլանա Մարգարյանն ու Օֆելյա Մաթոսյանը։
‹‹Առաջին անգամ
ենք մասնակցում Համահայկական խաղերին, մեծ ոգևորությամբ էինք սպասում մեկնարկին։ Անցկացրել ենք վեց խաղ և վեցում էլ հաղթող ենք ճանաչվել։ Ուրախ եմ, որ կազմակերպվում են նմանատիպ խաղեր, որոնք մարզիկներին հնարավորություն են տալիս ներկայանալ ըստ արժանվույն››,- ասաց Դիանա Մելքումյանը։
 
Երկրորդ հորիզոնականը զբաղեցրած Տաթևիկ Մարտիրոսյանն էլ նշեց, որ չնայած այս անգամ չհաղթեցին, դա չխանգարեց փորձառություն ձեռք բերել և ընկերական նոր կապեր ստեղծել։ Ըստ նրա՝ հրաշալի միտք է ամբողջ աշխարհի հայերին հավաքել Հայաստանում, այն էլ՝ սպորտի շուրջ։ 
Սվետլանա Մարգարյանը երկրորդ անգամ է մասնակցում Համահայկական խաղերին։ Ըստ Սվետլանայի՝ երրորդ հորիզոնականը բավականին լավ արդյունք է իրենց թիմի համար, սակայն ասաց, որ հաջորդ Համահայկական խաղերին բարելավելու են արդյունքները։
 
Խաղերի վերջում կայացավ պարգևատրման արարողություն։
 
Նոյյան տապան   -   Մամլո հաղորդագրություն
Լուրեր Հայաստանից եւ Սփյուռքից

Կարդացել են 422 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար