Այսօր և միշտ մենք վերահաստատում ենք մեր խոնարհանքը բոլոր այն հայրենասերներին, ովքեր իրենց կյանքն են զոհել հանուն մեր Հայրենիքի կայացման և անկախության ամրապնդման. Արմեն Գրիգորյան

ԱԽ քարտուղար Արմեն Գրիգորյանի շնորհավորական ուղերձը ՀՀ անկախության 28-ամյակի առթիվ

21-09-2019 12:34:49   | Հայաստան  |  Մամլո հաղորդագրություն
 


 
«Սիրելի հայրենակիցներ, մեծ հպարտությամբ հղում եմ շնորհավորանքս Հայաստանի բոլոր ժողովուրդներին մեր հիրավի ամենակարևոր և մնայուն ձեռքբերման՝ Հայաստանի Հանրապետության անկախության, 28-րդ տարեդարձի առիթով: 
 
Այսօր և միշտ մենք վերահաստատում ենք մեր խոնարհանքը բոլոր այն հայրենասերներին, ովքեր իրենց կյանքն են զոհել հանուն մեր Հայրենիքի կայացման
և անկախության ամրապնդման, դրա սահամնների անքակետլիության և ժողովրդի խաղաղ կյանքի, մեր երախտիքը սահմանին կանգնած զինվորին, ով մեր անկախության ամենահուսալի և իրական հենարանն է: 
 
Մեր նորանկախ հայրենիքի յուրաքանչյուր քաղաքացի պետք է հպարտությամբ և մեծ արժանապատվությամբ կրի անկախ Հայաստանի քաղաքացի լինելու պատիվը՝ ձգտելով իր հնարավորությունները, գիտելիքները և մասնագիտական կարողություններն ի նպաստ ներդնել հանուն մեր հայրենիքի հետագա զարգացման:
 
Սիրելի հայրենակիցներ, մենք մշտապես շարունակելու ենք ամրապնդել մեր երկրի անկախությունն ու անվտանգությունը, զարգացնելու ենք տնտեսությունը, ապահովելու ենք սոցիալական համերաշխությունն ու բարձր կենցաղը՝ ապագա սերունդներին ժառանգություն թողնելով խաղաղ, կայուն, երջանիկ և զարգացած Հայրենիք: 
 
Կեցցե′ անկախ, ազատ և հպարտ Հայաստանը: 
 
Շնորհավոր տոնդ, Հայրենի′ք:»
 
 
Նոյյան տապան   -   Մամլո հաղորդագրություն
Լուրեր Հայաստանից եւ Սփյուռքից

Կարդացել են 702 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար