Հայաստանյան պատվիրակությունը մասնակցել է Շարժայի գրքի միջազգային ամենամյա տոնավաճառին

12-11-2019 12:35:33   | ԱՄԷ  |  Նոր գրքեր
Հայաստանը հոկտեմբերի 30-ից նոյեմբերի 9-ը մասնակցել է Շարժայի գրքի միջազգային ամենամյա տոնավաճառին: Մեր երկրից Արաբական Միացյալ Էմիրություններ մեկնած պատվիրակության կազմում են եղել «Էդիթ Պրինտ» հրատարակչության ներկայացուցիչները:
 

Տոնավաճառին Հայաստանի առանձին տաղավարում ներկայացվել է հրատարակչության՝ վերջին տարիներին հրատարակած հայերեն, անգլերեն գրքերը Հայաստանի մասին, մանկապատանեկան գրականություն՝ Թումանյանի հեքիաթները, ինչպես նաև այլ հեղինակների հեքիաթներ, պատմվածքներ, ուսուցողական գրքեր:
 
Ցուցահանդես-տոնավաճառի օրերին հայկական տաղավար են այցելել
գրքոլորտի տարբեր մասնագետներ, հայ համայնքի ներկայացուցիչներ, հյուրեր:
 
Շարժայի գրքի միջազգային ամենամյա տոնավաճառը գրական ոլորտի ամենակարևոր իրադարձություններից է: Իրադարձության շրջանակում ամեն տարի անցկացվում են ավելի քան 400 միջոցառումներ, հանդիպումներ հեղինակների հետ, գրքերի ցուցադրություններ, գրական ընթերցումներ, դասընթացներ և այլն: Գրքի տոնավաճառին մասնակցում են տարբեր երկրների ներկայացուցիչներ.տարեկան սովորաբար ներկայացվում է 210 լեզուներով հրատարակված ամենատարբեր գրքեր:
 
Նշենք, որ միջոցառմանը «Էդիթ Պրինտ» հրատարակչությունը մասնակցել է Խնկո Ապոր անվան ազգային մանկական գրադարանի նախաձեռնությամբ և ՀՀ-ում ԱՄԷ դեսպանատան աջակցությամբ: 
 
 
--
Նոյյան տապան   -   Նոր գրքեր
Լուրեր Հայաստանից եւ Սփյուռքից

Կարդացել են 470 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար