Թոքի քացկեղի 1375 նոր դեպք ՀՀ-ում ամեն տարի. Ի՞նչ անել

07-12-2019 12:41:56   | Հայաստան  |  Մամլո հաղորդագրություն
 

Հայաստանում ամեն տարի գրանցվում է
թոքի  քացկեղի 1375 նոր դեպք, ու քաղցկեղի այս տեսակը առաջին տեղում է մեր երկրում մահացության հանգեցնող քաղցկեղային հիվանդությունների թվում:
 
Նման վիճակագրությունը չի կարող չանհանգստացնել թե Առողջապահության նախարարությանը, թե մասնագետներին: Մշտապես կարևորվում է այս մարտահրավերի դեմ միջոցառումների ձեռնարկումը: Հենց այդ պատճառով դեկտեմբերի 5-ին Հայկական Թորակալ Ասոցացիայի նախաձեռնությամբ և ոլորտի առաջատար մասնագետների մասնակցությամբ տեղի ունեցավ կոնֆերանս, որտեղ քննարկվեցին թոքի քաղցկեղի հիմնախնդրի արդիականությունն ու բուժման ճիշտ ռազմավարության նոր մոտեցումները: 
 
«Քաղցկեղի առաջացման առումով շատ կարևոր է ռիսկի գործոնների դերը, դրանց ճիշտ գնահատումը և կառավարումը։ Կառավարելի ռիսկի գործոններից են ծխելը, վնասակար սովորությունները, ավելորդ քաշը և խրոնիկական ինֆեկցիաների
առկայությունը։ Խիստ կարևոր են այս գործոնների առումով իրազեկման աշխատանքները, ինչը հնարավորություն կտա բարձրացնելու հասարակական ընկալումը` քարոզելով առողջ ապրելակերպը, հատկապես քաղցկեղի կանխարգելման տեսանկյունից»,- միջոցառման ժամանակ նշեց ՀՀ ԱՆ փոխնախարար Անահիտ Ավանեսյանը՝ հավելելով, որ հատկապես թոքի քաղկեցի տարածվածությունը կանխարգելու շրջանակներում կարևոր է ծխելու դեմ պայքարի հասարակական և պետական գործընթացի կարևորությունը:
 
Նա նաև շեշտադրեց, որ միջոցառումների ընթացքում մասնագետների միջև փորձ փոխանակումը նպաստում է հիվանդների ախտորոշման, բուժման և ապրելիության ցուցանիշների բարելավմանը մեր երկրում:
Առողջապահության նախարարության հովանավորությամբ կայացած միջոցառմանը մասնագետները մանրամասն խոսեցին թոքի քաղցկեղի հնարավոր պատճառների և դրա զարգացման ռիսկի գործոնների մասին, շեշտադրեցին  հիվանդների բուժումը ժամանակին կազմակերպելու, պալիատիվ թերապիայի, ճառագայթային ու վիրահատական բուժման նոր մոտեցումները կիրառելու կարևորության մասին:
ՀՀ ԱՆ Ուռուցքաբանության գծով խորհրդատու Հայկուհի Գյոկչյանն էլ իր խոսքում շեշտեց, որ այսօր արդեն հայ հիվանդների համար մեր երկրում հասանելի են  թիրախային բուժումն ու իմունոթերապիան, որոնք մարդկանց ապրելիության ցուցանիշների ու ինքնազգացողության բարելավման նոր հնարավորություններ են ստեղծել: Նա կոչ արեց գործընկերներին թոքի քաղցկեղի բուժման իրենց պրակտիկայում էլ առավել ակտիվ կիրառել այս մեթոդները:
 
Բոլոր մասնագետները միաձայն էին այն հարցում, որ պետք է էլ ավելի ինտեսիվացնել ջանքերը՝ սկրինինգային ծրագրերի ներդրման ու մարդկանց՝ ժամանակին դիմելը խրախուսելու համար:
 
Կարևորվեց նաև այն, որ 2019 թվականի հունվարից առողջապահության նախարարության կողմից ընդլայնվել են նախկինում գործող ուռուցքաբանական հիվանդների պետական աջակցության ծրագրերը, մասնավորապես` չարորակ ուռուցք ախտորոշումով բոլոր վիրահատությունները, ինչպես նաև ճառագայթային բուժումը կատարվում են պետական հիմունքներով։ Այս ծրագրերի ներդրումը զգալիորեն թեթևացրել է ուռուցքաբանական հիվանդների ֆինանսական բեռը։
 
Առողջապահական համակարգ մասնագիտական պարբերական
 
Yerevaklur.am
 
Նոյյան տապան   -   Մամլո հաղորդագրություն
Լուրեր Հայաստանից եւ Սփյուռքից

Կարդացել են 1263 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար