ԵՊՀ կենտրոնական մասնաշենք

14-07-2022 14:00:00 | Հայաստան | Իրադարձություն

Հուլիսի 14-ին՝ ժամը 14։00-ին, հրավիրում ենք ձեզ ԵՊՀ կենտրոնական մասնաշենք՝ Գևորգ Արշակյանի անվան ընթերցասրահ՝ լուսաբանելու 44-օրյա պատերազմի հերոսների հիշատակին նվիրված մրցանակաբաշխությունը։

ԵՊՀ 6 ֆակուլտետներում նախօրոք հայտարարված մրցույթներին մասնակցած և հաղթած ուսանողներին կշնորհվեն «Հայ Ձմեռ պապ» բարեգործական հիմնադրամի ծրագրով սահմանված կրթամրցանակներ։ Համատեղ ծրագրի նպատակն է հարգանքի

տուրք մատուցել Արցախյան 44-օրյա պատերազմում զոհված երիտասարդների հիշատակին, նպաստել կրթության և գիտության առաջընթացին՝ նրանց թանկ անուններով կրթամրցանակներ սահմանելով և խրախուսելով երիտասարդ մասնագետներին։

ԵՊՀ գրադարանի Գևորգ Արշակյանի անվան ընթերցասրահում կայանալիք միջոցառումը մեր հերոսների փառաբանության և ԵՊՀ ուսանողների գիտակրթական հաջողությունները ներկայացնելու, նաև մշակութային դասական համարներ

վայելելու լավ հնարավորություն է։

Այս կիսամյակ կրթամրցանակներ են հաստատվել հետևյալ ֆակուլտետներում․

1. հայ բանասիրության ֆակուլտետ - Վարդան Ամալյանի անվան 2-րդ

կրթամրցանակը (հովանավոր՝ բեռլինահայ տիկնանց խումբ),

2. պատմության ֆակուլտետ (հնագիտության բաժին) – Վահագն Թումասյանի անվան

2-րդ կրթամրցանակը (հովանավոր՝ Զապէլ Փեշտիմալճիան, Փարիզ)

3. ֆիզիկայի ֆակուլտետ – Էրիկ Գևորգյանի անվան 3-րդ կրթամրցանակը

(հովանավոր՝ Զեյթունյան-Մորիյո-Վիկտորիա ընտանիք, Բեռլին),

4. ինֆորմատիկայի և կիրառական մաթեմատիկայի ֆակուլտետ – Ռուբեն

Համբարձումյանի անվան 2-րդ կրթամրցանակը (հովանավոր՝ «Crumbs» հացթուխարան,

Երևան),

5. ժուռնալիստիկայի ֆակուլտետ – Վաչագան Մանուկյանի անվան 1-ին

կրթամրցանակը (հովանավոր՝ Արա Մուրադյան, Կանադա, Տորոնտո),

6. արևելագիտության ֆակուլտետ – հերոս եզդիների հիշատակին նվիրված 2-րդ

կրթամրցանակը (հովանավոր՝ Անահիտ Տեր-Ստեփանյան, Նյու Հևն, ԱՄՆ)։

7. արևելագիտության ֆակուլտետում «Հայ Ձմեռ պապ» հիմնադրամի մրցանակային

ֆոնդը հավելել է «Գուրգեն Մելիքյանի՝ Քաշաթաղի բազմազավակ ընտանիքների

հիմնադրամը»։

Միջոցառմանն արտերկրից առցանց կմասնակցեն նաև հովանավորները։

Լրացուցիչ տեղեկատվության համար կարող եք զանգահարել +374 (99) 898 975

հեռախոսահամարով։

ԵՊՀ մամուլի խոսնակ, հանրային կապերի և մարքեթինգի վարչության պետ Ազնիվ

Գրիգորյան

Երևանի պետական համալսարան-YSU

Հասցե՝ Ալեք Մանուկյան 1

Հեռ.՝ (+374) 99 898975

Նոյյան տապան - Իրադարձություն

Կարդացել են 972 անգամ

ԵՊՀ կենտրոնական մասնաշենք

Noyan Tapan TV