«Ֆաջր»-ի 27-րդ երաժշտական փառատոնի երաժիշտ-խմբավարներից էր Տիգրան Սուքիասեանը
29-02-2012 15:38:36 | Իրան | Մշակույթ
«Ֆաջր»-ի 27-րդ երաժշտական փառատօնում իրանահայ վաստակաւոր երաժիշտ-խմբավարներից էր Տիգրան Սուքիասեանը. ղեկավարելով իրանական «Սամին» կորալ խումբը՝ մասնակցել էր փառատօնին, որն իր իւրայատուկ տեղն էր զբաղեցնում մասնակից երգչախմբերի շարքում:
Յիշեալ երգչախմբին դաշնամուրով ընկերակցում է իրանահայ դաշնակահար Ռուբէն Արզումանեանը: Յիշեալ խումբը փետրւարի 14-ին ելոյթով հանդէս եկաւ Թեհրանի «Վահդաթ» դահլիճում, որը ներկաների գնահատանքին արժանացաւ:
* * *
Յատկանշական է, որ Տիգրան Սուքիասեանի ղեկավարած «Սամին» երգչախումբը, դաշնակահար՝ Ռուբէն Արզումանեան, մասնակցելով Թեհրանի քաղաքապետարանի կողմից կեանքի կոչւած «Շամսէ» երաժշտական փառատօնին, առաջնութիւն է շահել: Նշելի է, որ Թեհրանի քաղաքապետարանը Թեհրանի 22 քաղաքապետարանների շրջագծում իւրաքանչիւր տարի կազմակերպում է երաժշտական փառատօն: Այս տարի փետրւարի 24-ին «Միլադ» աշտարակի դահլիճում կայացած մրցութեանը առաջնութիւն շահած «Սամին» խմբի մրցանակը եւ գնահատագիրը յանձնւեց Տիգրան Սուքիասեանին: Յիշեալ մրցոյթի իրաւարար կազմի անդամ էր մայեստրօ Լորիս Ճգնաւորեանը: