Ադրբեջանական «Azheber.com» կայքը գրում է, որ Ադրբեջանի խորհրդարանից դեպի հեռուստաաշտարակ տանող ճանապարհին միջին տարիքի մի տղամարդ եւ մի տարեց կին պատահական մեքենա են կանգնեցրել եւ խոչընդոտել երթեւեկությունը: HayNews.am-ը տեղեկացնում է, որ վերոնշյալ կայքի տվյալներով տղամարդը բենզին է լցրել վրան եւ սպառնացել հրկիզվել: Այդ ամենի համար պատճառ է հանդիսացել այն, որ Ադրբեջանի իշխանություններն անտարբեր են հայ-ադրբեջանական շփման գծում տեղի ունեցած ընդհարումների ժամանակ զոհված իրենց մերձավորների նկատմամբ։ Դեպքի վայր են ժամանել Ադրբեջանի պաշտպանության նախարարության աշխատակիցները. գրանցել են մահացածի անուն ազգանունը եւ խոստացել հետաքննություն անցկացնել:

---