ՀՀ սփյուռքի նախարարությունում տեղի կունենա «Արի տուն 2012» ծրագրի երկրորդ փուլի բացումը: Հունիսի 18-ին, ժամը 10.30 ՀՀ սփյուռքի նախարարությունում տեղի կունենա «Սփյուռքի երիտասարդների՝ Հայաստան ճանաչողական այցելությունների «Արի տուն» ծրագրի 2-րդ փուլի բացումը (հասցե` Վ. Սարգսյան 26/1, «Էրեբունի Պլազա» բիզնես-կենտրոն, 9-րդ հարկ, «Էրեբունի» դահլիճ): Ծրագիրն իրականացվում է 2009 թվականից: Նախորդ 3 տարիներին Հայաստան է այցելել շուրջ 1800 սփյուռքահայ երիտասարդ: 2012թ. ակնկալվում է 1000 երիտասարդի այցելություն: «Արի տուն 2012» ծրագիրն իրականացվելու է հունիսի 10-ից սեպտեմբերի 1-ը՝ 8 փուլով: Այս տարի եւս նախատեսվում է 4-օրյա ճամբարային հանգիստ Աղավնաձորում: «Արի տուն» ծրագրի երկրորդ փուլին (հունիսի 17-30) մասնակցելու է ավելի քան հարյուր երիտասարդ` հիմնականում Ռուսաստանի Դաշնությունից, Վրաստանից, ԱՄՆ-ից:

---