Այսօր՝ նոյեմբերի 3-ին, մահվան ելքով վրաերթ է տեղի ունեցել Երևանում:

Ժամը 07:00-ի սահմաններում Արարատի մարզի Նոր Խարբերդ գյուղի բնակիչ, 65-ամյա Էդուարդ Առաքելյանը իր վարած Газель 32213 մակնիշի 3199 Տ համարանիշի ավտոմեքենայով Միքայելյան-Սեբաստիա փողոցների խաչմերուկում վրաերթի է ենթարկել Միքայելյան փողոցի բնակիչ, 82-ամյա Մարատ Միքայելյանին: Ինչպես հայտնում է ֆոտոլրագրող Գագիկ Շամշյանը, վրաերթի ենթարկվածը տեղափոխվել է «Մալաթիա» բժշկական կենտրոն, որտեղ ժամը 08:00-ի սահմաններում գիտակցության չգալով մահացել է: Դեպքի վայր են ժամանել Ճանապարհային ոստիկանության 1-ին սպայական գումարտակի ծառայողները՝ Հայաստանի քննչական կոմիտեի Երևանի քննչական վարչոթյան հատկապես կարևոր գործերով քննիչ Դավիթ Մարտիրոսյանի գլխավորությամբ, ում կողմից փաստի առթիվ հարուցվելէ քրեական գործ՝ ՀՀ քր.օր-ի 242 հոդվածի 2-րդ մասի հատկանիշներով: Ֆոտոլրագրողի տեղեկություններով՝ վարորդ Է. Առաքելյանը դեպքի վայրից փախուստի չի դիմել, օգնություն է ցուցաբերել վիրավորին, իսկ նա աշխատում է «Ավտոճեպընթաց» ՍՊԸ-ում՝ որպես վարորդ:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Լուսանկարը՝ Գագիկ Շամշյանի 

---