Հազարավոր մարդիկ վայելել են Չինաստանում կառուցված ամենամեծ ապակե կամրջից բացվող տեսարանները
22-08-2016 17:07:39 | Չինաստան | Գիտություն եւ տեխնոլոգիաներ
Չինաստանում շուրջ 8 հազար զբոսաշրջիկներ կարողացել են քայլել և լուսանկարվել ամենամեծ ապակե կամրջի վրայով: korrespondent.net-ի փոխանցմամբ` Չժանցզյացզե զբոսայգում գտնվող կամրջի ղեկավարները նշել են, որ հենց այդպիսին է կամրջի օրեկան այցելությունը:
Կամրջի հաջողությամբ իրականացված փորձարկումից հետո, այն վերջապես բացվել է մարդկանց զանգվածային այցելությունների համար: Մարդկանց մեծ հոսք է ժամանել կամրջի գտնվելու վայր սեփական աչքերով տեսնելու և լուսանկարվելու հսկայական ապակյա կառույցի հետ, որն օդում կախված է 300 մետր բարձրության վրա:
Չժանցզյացզեյում գտնվող Գրանդ-Քանոն կամուրջը, որն ունի 430 մետր երկարություն և 6 մետր լայնություն, նախագծվել և կառուցվել է իսրայելցի ճարտարապետ Հաիմ Դոթանի կողմից: Ներկայումս ապակյա այդ կառույցն իր մասշտաբներով աշխարհում նմանակը չունի:
ՀԱՅԵՐԵՆ
Русский
English
Դաս. հայերեն
French
