Սինգապուրում գործարկվել է աշխարհում առաջին անվարորդ տաքսին
25-08-2016 16:32:36 | Սինգապուր | Գիտություն եւ տեխնոլոգիաներ
Սինգապուրում nuTonomy ընկերությունը գործարկել է աշխարհում առաջին անվարորդ տաքսին, որն այսօրվանից սկսել է իր աշխատանքը սահմանափակ երթուղով 2,5 մղոն, որն ընկած է բիզնես թաղամասերի և բնակելի շրջանների միջև:
korrespondent.net-ի փոխանցմամբ` առայժմ ծրագիրն իրականացվում է փորձարկման ռեժիմով:
Renault Zoe և Mitsubishi i-MiEV էլեկտրամեքենաների ձևափոխված տարբերակներն աշխատում են վարորդով, որոնք ցանկացած պահին կարող են իրենց վրա վերցնել մեքենայի կառավարումը: Միևնույն ժամանակ ուղևորը նստում է հետին նստարանին և հետևում է մեքենայի կառավարման էլեկտրական համակարգին:
Ընկերության ավտոպարկը ներկա պահին սահմանափակված է վեց մեքենաներով, սական տարվա վերջին նախատեսված է ընդլայնել ցանկը մինչև 12 մեքենա:
Արդեն 2018 թվականին nuTonomy-ն նախատեսում է անցում կատարել ամբողջությամբ անվարորդ մեքենաների: Ընկերության գլխավոր գործառնական տնօրենը ենթադրում է, որ այդ ծրագրի իրականացումը թույլ կտա քաղաքում կրճատել ավտոմեքենաների քանակը` 900 հազարից հասցնելով 300 հազարի:
Ընկերությունում նաև համոզված են, որ վերոնշյալ անվարորդ ավտոմեքենան ամբողջ աշխարհի քաղաքների համար կդառնա արդիական: