Գիտնականները հայտարարել են նոր երկրաբանական դարաշրջան թևակոխելու մասին
01-09-2016 16:17:16 | ԱՄՆ | Գիտություն եւ տեխնոլոգիաներ
Երկիր մոլորակի վրա նոր երկրաբանական և պատմական դարաշրջան է սկսվել, որը կոչվում է անտրոպոցեն` այսինքն մարդկության դար: korrespondent.net-ի փոխանցմամբ` այդ մասին Քեյփթաունում կայացած երկրաբանական կոնգրեսի ժամանակ պաշտոնապես հայտարարել է Շերտագրության միջազգային հանձնաժողովը:
Աղբյուրի տեղեկացմամբ` անտրոպոցենի յուրահատկությունը կայանում է նրանում, որ մարդկության խմբակային գործողությունները սկսել են գերակշռել մոլորակի վրա բոլոր էկոլոգիական մեխանիզմների աշխատանքում:
«Ըստ էության Երկիրը դա մի հսկայական տիեզերական նավ է, որի անձնակազմի մաս է կազմում մարդկությունը»,- հայտարարել է Լոնդոնի համալսարանական քոլեջից Քրիստոֆեր Ռապլին:
Միևնույն ժամանակ վերջինս նշել է, որ տիեզերանավի կյանք ապահովող համակարգի աշխատանքներում մշտական միջամտությունը կլիներ խելագարություն, իսկ «անտրոպոցենը մեզ ասում է, որ մարդկությունը կրակի հետ խաղ է անում»:
Բնապահպանները, կենսաբանները և բնական այլ գիտությունների ներկայացուցիչները արդեն կես դար է, ինչ խոսում են անտրոպոցեն դարաշրջան թևակոխելու մասին: Այս կարծիքի հաստատման համար բերվում են տարբեր փաստարկներ, որոնք հենվում են էկոհամակարգերում կենդանիների ոչնչացման տեմպերի արագացման վրա, որոնք մարդկային գործունեության արդյունք են:
Սակայն երկրաբանները դեմ են արտահայտվում վերոնշյալ գաղափարին, քանի որ նրանց կարծիքով` նմանատիպ գործընթացները չեն կարող նկատելի հետք թողնել Երկիր մոլորակի ցեղատեսակների վրա:
ՀԱՅԵՐԵՆ
Русский
English
Դաս. հայերեն
French
