05-09-2016 14:53:37 | Չինաստան | Գիտություն եւ տեխնոլոգիաներ
Չինական Mydrivers կայքը ներկայացրել է AnTuTu-ի վարկածով ամենաարդյունավետ սմարթֆոնների վարկանիշային աղյուսակը, որի առաջին հորիզոնականում է գտնվում տեղական արտադրության OnePlus 3 սմարթֆոնը՝ հավաքած 140 288 բալերով:
Երկրորդ և երրորդ տեղերը նույնպես զբաղեցրել են չինական արտադրության հեռախոսները՝ Vivo XPlay 5 Elite (138 706 բալ) և LeTV Le Max 2 (138 026 բալ):
Նրանց հաջորդում են Nubia Z11, Zuk Z2 Pro, Xiaomi Mi5 մոդելների սմարթֆոնները: 7-րդ տեղը զբաղեցրած Samsung Galaxy S7 edge-ն մեկ հորիզոնականով առաջ է անցել iPhone 6S-ից: Լավագույն տասնյակը եզրափակել են չինական արտադրության 360 Q5 Plus-ը և թայվանական HTC 10 սմարթֆոնները:
Հայտնի է նաև, որ հրապարակված նախկին արդյունքներով, լավագույն տասնյակում է եղել Apple-ի iPhone 5SE-ն, որն այս անգամ ցուցակից դուրս է մղվել իր շարքի ավելի նոր iPhone 6S-ի աղյուսակում ընդգրկվելուց հետո: