Մինչև 250Մբ/վ արագությամբ ինտերնետ կապ Ucom-ից. Հայաստանում առաջին անգամ գործարկվեց նորագույն 4G+ տեխնոլոգիան (տեսանյութ)
24-09-2016 20:13:31 | Հայաստան | Գիտություն եւ տեխնոլոգիաներ
Օլիմպիական մեդալակիրներին մեծարող հատուկ միջոցառման ընթացքում Արամ MP3-ի կատարմանը հաջորդում է Ռիո դե Ժանեյրոյում կայացած 31-րդ ամառային օլիմպիական խաղերում Հայաստանի մարզիկների պարգևատրման հանդիսավոր արարողությունը: Այս անգամ օլիպմիական մեդալակիրներին պարգևատրում է Ucom ընկերությունը` ի դեմս ընկերության գլխավոր տնօրեն Հայկ Եսայանի:
Ծափողջույների ներքո հայ մարզիկները հեռանում են բեմից, քիչ անց օլիմպիկան չեմպիոն` Արթուր Ալեքսանյանի օգնությամբ ազդարարվում է տոնական միջոցառման երկրորդ կարևոր հատվածի` Ucom ընկերության կողմից այս տարվա ամենասպասված 4G+ ցանցի մեկնարկը:
Ericsson ընկերության նորագույն 4G+ տեխնոլոգիայի ներդրումը Հայաստանում նախատեսված է բավարարել տվյալների փոխանցման տրաֆիկի նկատմամբ օրեցօր աճող պահանջարկը, ինչպես նաև ապահովել էլ ավելի լավ որակ ու մեծ արագություն:
Հայաստանում 4G+ ցանցի գործարկումը Հայկ Եսայանը գնահատում է որպես իրական հաղթանակ հեռահաղորդակցության ոլորտում, քանի որ այս առաջատար տեխնոլոգիան գործում է հեռահողրդակցության այնպիսի զարգացած շուկա ունեցող երկրներում, ինչպիսիք են Հյուսիսային Ամերիկան, Կորեան, Ճապոնիան, Չինաստանը և եվրոպական մի շարք երկրներ:
Ucom-ի գլխավոր տնօրենի տեղեկացմամբ` առաջիկայում ցանցը գործելու է Երևանի ողջ տարածքում, իսկ կառուցման փուլերի ավարտից հետո` ամբողջ Հայաստանում:
ՀԱՅԵՐԵՆ
Русский
English
Դաս. հայերեն
French
