Եգիպտոսում 7000 տարվա վաղեմություն ունեցող քաղաք է հայտնաբերվել
24-11-2016 12:42:47 | Եգիպտոս | Գիտություն եւ տեխնոլոգիաներ
Վերին Եգիպտոսի պատմական շրջանում անցկացված ուսումնասիրությունների արդյունքում հնագետները քաղաք և գերեզմանատուն են հայտնաբերել, հայտնում է korrespondent-ը:
Պեղումների վայրում հայտնաբերվել են տնակներ, խեցեղեն և քարից պատրաստված գործիքներ: Բացի այդ, հետազոտողները գտել են 15 խոշոր գերեզմանոցներ, որոնք իրենց չափերով չեն զիջում մոտակայքում գտնվող փարավոնների համար կառուցված դամբարաններին:
Ենթադրվում է, որ քաղաքում բնակվել են բարձրաստիճան պաշտոնյաներ և դամբարանների շինարարները:
Ըստ փորձագետների, քաղաքը, որը շուրջ 400 մետր հեռավորության վրա է գտնվում Աբիդոս քաղաքի Սեթի I-ի հիշատակման տաճարից, կառուցվել է մ.թ.ա. 5316 թվականին: